掃呢頁CODE去手機

2017年6月24日 星期六

【正式出櫃】承認去年加國結婚 盧凱彤捧金曲獎最佳編曲人:謝謝我太太! __,盧凱彤,

台灣「第28屆金曲獎頒獎典禮」今晚喺台北小巨蛋登場,香港女歌手盧凱彤憑《還不夠遠》捧得「最佳編曲人獎」,佢喺紅地毯上承諾如果攞獎的話,就會公佈另一半, ...


台灣「第28屆金曲獎頒獎典禮」今晚喺台北小巨蛋登場,香港女歌手盧凱彤憑《還不夠遠》捧得「最佳編曲人獎」,佢喺紅地毯上承諾如果攞獎的話,就會公佈另一半,喺佢上台攞獎時,真係兌現承諾,劈頭就表示要感謝一個人:「我要謝謝我太太!」佢大方出櫃坦承性向引起全場歡呼!然後佢再話:「我跟我太太去年在國外結婚,謝謝她讓我生命更完整。」事後盧凱彤受訪時,承認與台灣著名攝影師余靜萍去年在加拿大結婚。盧凱彤上台領獎時,佢話:「沒有她,我不會在7年前寫第一首國語歌,我要感謝我太太!」又稱如果沒有對方,自己唔會想去台灣發展,「謝謝她,讓我的生命更完整。」盧凱彤仲話要將個獎送畀太太。盧凱彤續道:「我知道這個世界不完美,我的音樂不完美,但有了你,誰還需要完美。」據了解她太太是台灣著名攝影師余靜萍,佢哋喺7年前認識,但一度因個性不合而分手,後來盧凱彤情緒憂鬱,雙方冇聯絡,等到盧凱彤病癒,喺台灣一個音樂會重遇余靜萍,先至舊情復熾。台灣同志婚姻2年後將合法,盧凱彤表示到時將和老婆喺台灣登記,屆時打算辦個小型婚宴慶祝。盧凱彤喺2015年曾暗示過自己嘅性取向(新聞連結: http://bit.ly/2rNBuoH ),但今次可算係佢首度公開表態,佢亦係繼何韻詩同卓韻芝分別於2012及2016年宣佈出櫃嘅香港女藝人。(新聞連結: http://bit.ly/2rNv0WK 及 http://bit.ly/2t6fPfb )盧凱彤其實一直支持同志運動,佢前年喺微博貼文暗示出櫃時,提及自己9歲時頭髮剪得很短,很享受當男生嘅爽快感,入行後發現做女仔都好好玩:「可以遊走在雌雄同體的領域中……甚麼人甚麼性別都是用靈魂而不是軀體來活的,找到一個精神上的伴侶,比起床上的夥伴重要。當然你我都有一定的肉體需要囉,哈!」當時《蘋果》有問過佢係咪出櫃,佢只係含糊否認,仲話:「性取向唔係樂迷話題,如果有日結婚會公告天下。」

何韻詩FB 盧凱彤另一半、台灣著名攝影師余靜萍。 (資料圖片)
(台灣蘋果日報圖片) (台灣蘋果日報圖片) (台灣蘋果日報圖片)

來源 source: http://s.nextmedia.com
鍾意就快D Share啦!