藝人吳綺莉近日與女兒吳卓林和好如初，留院兩個月的卓林已回家！繼昨日東網獨家拍得兩母女結伴外出購物後，二人今日再外出，於中午12時半與女傭由大坑出發返回大埔舊居。三人先去舊居附近的超市買日用品，卓林率先下車，心情愉悅的她向記者問好：「好耐冇見（心情好嗎？）ok呀，尋晚由1點瞓到（今日）11點。（同媽咪買嘢食？）買嘢食呀，byebye！」
吳綺莉嗌開心
未幾吳綺莉傾住電話落車，聽到她頻頻說：「係，好，唔該晒陳姑娘！」吳綺莉被問囡囡返屋企是否很開心？她說：「梗係啦，依家一樣一樣咁慢慢處理。（返舊居執屋？）係，都搞咗幾個月啦，keep住睇醫生咁，一樣一樣咁做（卓林要覆診？）會，一直都會，進步中啦，多謝大家關心！」
母女溫馨對答
二人步入超市後，見卓林一人步出超市門外的雪櫃取飲品，原來是吳綺莉叫卓林派給記者，記者婉拒後，卓林就嗲媽媽說：「咁點呀？」吳綺莉就說：「你問啲哥哥姐姐要唔要」三人購物完就拎埋戰利品步出，卓林手上就拎熱咖啡，並對媽媽說：「你㗎杯coffee！」吳綺莉說：「係呀好熱呀！」卓林笑謂：「咁你仲買？」處處表達母女之情。其後吳綺莉就駕車到附近的食肆放低環保餐盒，準備買外賣返歸，然後再駕車返舊居。
卓林定時覆診
返到舊居時，卓林更在車上貪玩反拍記者，二人落車後停低受訪。吳綺莉先感謝各界關心，指都市人都有情緒問題，現時解決中，亦會定時覆診，至於卓林何時再返學？她說：「暫時真係未知，剛剛先出院。（會轉校？）有可能，暫時未知，要睇各方面決定！」
卓林被問心情如何，她說：「心情ok呀，返到去…」吳綺莉說：「大家學習中！」至於可會一起去旅行令感情升溫？吳綺莉說：「未有咁嘅時間住，屋又未搬晒處理埋屋企先！」二人入屋前又叮囑記者天氣熱要小心。
母女撐枱腳
而吳綺莉尋晚亦上載咗張同卓林撐枱腳嘅相，枱上面擺咗兩餸一湯嘅家常小菜，吳綺莉留言：「不是要美酒好菜，要的是一家人平安快樂。」幾時都話，最緊要都係一家人齊齊整整，開開心心食餐飯！
|
鍾意就快D Share啦！
|
|
|