歌手何雁詩（阿詩）與鄭俊弘（Fred）自從公開承認拍拖後，兩人的負面報道從未間斷，日前傳出阿詩因與鄭俊弘戀情受壓，飲酒後情緒出現問題而「割傷手」，雖然阿詩否認，但阿詩整日似乎刻意穿上長袖衫遮掩傷口。今晚阿詩與Fred出席《2017勁歌金曲優秀選第一回》，一眾歌手大玩Cosplay造型，阿詩以童話故事《小紅帽》人物出現，而Fred就扮演70年代電影《油脂》的男主角，兩人應記者要求在後台大方合照。
指何雁詩情緒好好
Fred受訪時被問到盛傳何雁詩醉酒鎅手入院，他說：「冇啲咁嘅事。（佢入咗院？）冇，乜都冇。（有傳你送佢入院？）係囉，我都覺得奇怪，但之前都有類似嘅報道。（你哋依家感情開心？）OK，穩定。」阿詩的情緒是否波動得好大的人？Fred說：「冇冇，好好，好開心。」
投入工作錄新歌
對於這些傳聞可感壓力？Fred說：「又多咗記者喺屋企門口，係有啲無形壓力喺度，往往知道有記者喺出面，唔單止影響我，我啲親戚都係住喺嗰頭，佢哋都好擔心，係咪又有人嚟影？又有親戚上報紙，我都唔好意思。」有傳何雁詩入院當晚他們是否一齊？Fred說：「嗰晚我哋係分開。（你知佢嗰晚做乜？）咪喺屋企囉！（你出咗去？）各自喺屋企，（近排又冇睇過醫生？）冇。（公司可有問你呢件事？）又冇，公司一向都好支持我哋，工作上所有嘢一切都係正常，投入番工作錄新歌，公司都好Support我哋。」
澄清冇自殺
Fred做完訪問後，緊接到企側邊的何雁詩受訪，記者直接了當問她：「係咪自殺？」何雁詩說：「冇自殺，會影響到個人聲譽，同埋令到身邊人擔心，所以我要澄清番，我亦冇醉酒、冇失控，冇割脈，其他嘢就唔回應。」
唔肯騷手臀
見到阿詩長袖衫上陣，問她不怕惹來大家敏感揣測？她說：「好難講，人哋要揣測冇辦法，唔諗太多。（點解唔着短袖衫？）到時先算，到40度先諗吓。」如果她沒有割脈入院，她可否介意騷隻手給大家睇？她一臉嚴肅說：「唔需要，講咗就講咗，信就信，唔信就唔信，唔通心口整親又晒畀大睇，唔需要回應。（你心情可有受影響？）冇乜，希望大家Focus喺我嘅工作多過私人生活。（有人整蠱你？）成日都有人想整蠱我。（有冇壓力？）預咗㗎啦食得鹹魚抵得渴，喺呢個過程畀自己成長。」阿詩再強調己沒有自殘傾向，她有飲酒但唔會失控。
冇棒打鴛鴦
問到有傳無綫要棒打鴛鴦，阿詩說：「公司冇畀壓力我哋。（點解要分開受訪？）唔想自從嗰次咁多報道圍繞我哋。（有冇叫你哋私下唔好見咁多？）我哋做緊嘢，冇話特別唔畀我哋見面，從來冇阻止我哋一齊，畀空間我哋。」
|
鍾意就快D Share啦！
|
|
|