其實答案…爭在未講出口啫！
藝人黎諾懿與湯洛雯為無綫新劇《燦爛的外母》拍攝一場結婚擺酒戲分，諾懿透露該場戲乃他與外母薛家燕惡鬥的序幕，不過卻坦言現實中若然沒有外母會很不方便，因外母幫手湊仔，才令夫婦二人輕鬆不少，諾懿謂：「始終太太生咗第一胎，經驗唔多，外母又成日煲嘢畀老婆補身，我都受益。」更指與外母相處融洽，把他們一家照顧很好，由囝囝出世至今，也無須擔心任何問題：「我平時工作關係好少湊仔，只係負責玩，一有咩搞唔掂就交番畀外母，所以都同老婆講，如果咁樣生多幾個都唔怕。」
望兩年後追B女
問到可會為囝囝搞百日宴？諾懿指現時囝囝年紀尚小，再加上工作較忙，故有意待他大一點才舉行，更指已有意再追B：「老婆生肖屬豬，所以想兩年後追多個豬女，等佢哋可以同一生肖。」
湯洛雯認男方已過關
而穿上禮服的湯洛雯則表示自己從前主張遲婚，但現在卻認為若果遇到合適的人，不排除閃婚。問到現實中可遇到上另一半？她笑謂：「嘗試緊，了解中。」雖然伊人對另一半身份支吾以對，但諾懿就大爆對方是圈中人，他謂：「圈內嘅，我識嘅，唔係姓陳、姓張就係姓羅，都是呢啲係大姓。」此舉令湯洛雯尷尬非常，不過她就直言對方已過關，二人現時發展順利，但要待穩定後才宣布。記者取笑她與羅天宇已多次被影到去山頂約會？她表示：「香港有幾大，吃飯咋嘛！」
來源 source: http://hk.on.cc
|
鍾意就快D Share啦！
|
|
|