掃呢頁CODE去手機

2017年7月6日 星期四

做「跟得女友」 苟芸慧跟實陸漢洋征戰法國 [壹週刊 - 1426] __,漢洋,陸漢洋,苟芸慧,M1,

法國比賽完,苟姑娘隨即同陸漢洋轉飛英國充電,早前二人現身法國機場準備出發。探熱針做「跟得女友」 苟芸慧跟實陸漢洋征戰法國搣甩「肥苟」稱號,茍芸慧狀態回 ...


法國比賽完,苟姑娘隨即同陸漢洋轉飛英國充電,早前二人現身法國機場準備出發。

探熱針

做「跟得女友」 苟芸慧跟實陸漢洋征戰法國

搣甩「肥苟」稱號,茍芸慧狀態回勇,馬上 mark到錫礦大王陸佑後人兼賽車手陸漢洋。

拍拖半年,男方就公開落訂,仲送上家傳之寶鑽戒,將「女神」封盤。

Ready做人妻,苟姑娘家陣正職做「跟得女友」,陪住男友出埠比賽。早前陸漢洋出戰法國勒芒賽,苟姑娘跟實去打氣,完成比賽後,兩人接住出發去倫敦拍拖。

出埠幫男友打氣

七年前離開商界,陸漢洋轉行做賽車手,今年更成立車隊「一颷賽車 win motorsport」,準備征戰世界各地的賽車比賽。早前出戰馬來西亞首站,苟姑娘親自到場打氣,結果 William順利奪得兩場賽事冠軍,未正式入門都已經好旺夫。

上月 William更衝出亞洲,出征法國勒芒 24小時耐力賽,苟姑娘繼續貼身跟實,最終 William成功以頭十名衝線,不過未能奪盃,賽後苟姑娘在微博留言鼓勵男友:「見證了一場有意義的賽事。今年的一小步,明年的一大步。 Never give up!」

「除咗支持 William,苟姑娘都真係好鍾意賽車,想去偷吓師,佢加入『一颷』做形象大使之外,仲正式做埋賽車手,依家接受緊專業訓練,佢好恨代表車隊出賽。」苟姑娘身邊人透露。

陸漢洋成立車隊後,征戰世界各地賽事,苟姑娘例牌陪住打氣。

上月陸漢洋參加法國勒芒 24小時耐力賽,未能捧盃,苟姑娘賽後留言鼓勵。

歎 M記雪糕

完成法國賽事後,苟姑娘同 William轉場去英國充電,兩人現身巴黎戴高樂機場,成功減磅後,苟姑娘啲自信心返晒嚟,當日著住件露膊衫配黑色長裙,手臂同背脊都冇晒肥肉,行步路都輕盈啲,好飄逸呀!

趁男友去櫃位 check in,苟姑娘走去附近的 M記買雪糕,對住部自助點餐機,苟姑娘篤篤吓好熟手,話咁快搞掂,之後企埋一邊等食。雪糕一到手,苟姑娘急不及待擺入口,大啖大啖食,仲滴到件衫都污糟埋。食食吓,苟姑娘瞄到有鏡頭,即到擰轉面匿埋喺轉角位歎埋杯雪糕,再返去會合男友。

去到人多地方,兩人刻意保持距離,最多都係摸吓手臂。

趁男友 check in,苟姑娘去 M記買雪糕,仲食到舔晒脷。

警覺性高

去到外地,兩人繼續保持高度警覺, check in期間,陸漢洋時不時兩頭望,一見到有華人經過,就自動彈開。辦完登機手續,苟姑娘同男友一前一後急急腳入閘。航班仲有兩粒鐘先起飛,入到禁區見到 Hermes、 Parda等名店,一向慳家的苟姑娘都不為所動,同男友一支箭標去閘口搵位坐低,其間一直保持距離,呆坐咗一陣, William悶到瞓着覺。

自從公開戀情後,陸漢洋經常在 Fb分享同苟姑娘合照。

拍拖半年,陸漢洋已將母親留下的家傳之寶送俾苟姑娘,將女神封盤。

拍拖至上

去到英國,茍姑娘時不時上微博開心 share旅行相兼留言話:「好好運用等待合適工作的時間,來一個有趣的 Road trip遠離城市。」兩人行山睇日落之餘,仲去埋蘇格蘭著名的尼斯湖搵水怪。

「同 TVB冇約,苟姑娘接 job自由咗,而家有鍾意嘅 job先肯做,有時間都留番嚟拍拖,工作量一定冇以前咁多。」苟姑娘身邊人透露。

去到英國,苟姑娘同男友除咗行山睇日落,仲去埋尼斯湖搵水怪。

鍾嘉欣、岑麗香、王君馨等輪流嫁人,而家連苟姑娘都準備做人妻,「處女黨」正式瓦解。

錫到燶

早前,苟芸慧正式宣布與陸漢洋拍拖,男方對苟姑娘細心、體貼外,就連工作至起居生活都照顧周到,生活十級跳。

柴可夫司機

今年二月出席美容產品活動,苟芸慧公開大讚男友 sweet,甜笑表示:「當日我唔舒服,有人好 sweet話使唔使車我」,冧爆指對方是她專屬的柴可夫司機。

安排入住貝沙灣

為了讓苟姑娘生活好啲,陸漢洋安排女友搬離其跑馬地細單位,入住貝沙灣豪宅,與他做鄰居,方便見面。

公開示愛送家傳之寶

拍拖十個月,陸漢洋火速落訂送上家傳之寶鑽戒訂情,更公開示愛,無論苟芸慧幾肥都愛,表示娶硬對方。

撰文、攝影、攝錄:娛樂組


鍾意就快D Share啦!