已故慈善伶王鄧永祥（新馬師曾）於97年離世，其妻洪金梅與四子女發生爭產風波，其中祥哥遺下位於筲箕灣中心楚留香酒樓，交由長子鄧兆尊打理，楚留香於04年因欠租結業，9月法庭頒令清盤。舊舖位持有人係兆尊、兆榮及小艾三兄妹，有消息指楚留香舊舖位現以3.18億元易手，新買家為「舖王」鄧成波。（新聞連結： http://bit.ly/2vByJc7 ）《蘋果》致電向兆尊了解，問楚留香舊舖位係咪賣畀舖王鄧成波？佢表示：「我有份持，但我唔知，答你唔到，係，可能係。」咁係邊個負責呢單交易？兆尊話：「可能係你講嘅另外兩個（兆榮及小艾），你打畀佢哋直接問。」問到兆尊點睇作價逾3億？佢笑言：「我冇嘢睇，冇嘢講呀，分番300蚊畀我算，哈哈哈，冇所謂啦。」咁大單交易，係咪全權交畀細佬妹揸主意，唔使三兄妹齊齊商量？兆尊話：「唔使啦，得㗎啦。我唔講啦，我一講好大鑊，你問佢哋啦，因為講咗我唔講。」咁對於楚留香舖位賣咗有乜感受？佢坦言：「冇感受，過眼雲煙！」會唔會覺得可惜？始終係爸爸留下嘅物業？佢表示：「我哋有晒計劃，冇乜問題嘅，係咁簡單。」
來源 source: http://s.nextmedia.com
|
鍾意就快D Share啦！
|
|
|
