掃呢頁CODE去手機

2017年7月25日 星期二

分手兩個月尷尬合照 唐詩詠未忘洪永城「𠵱家仲係平復中」 __,詩詠,洪永城,唐詩詠,

分手兩個月尷尬合照唐詩詠未忘洪永城「𠵱家仲係平復中」娛樂要聞電視圈好細,前晚造就兩對過氣和熱戀情侶同場,馬國明孖「女朋友」黃心穎表現甜蜜,相反唐詩詠卻 ...


分手兩個月尷尬合照

唐詩詠未忘洪永城「𠵱家仲係平復中」

娛樂要聞

電視圈好細,前晚造就兩對過氣和熱戀情侶同場,馬國明孖「女朋友」黃心穎表現甜蜜,相反唐詩詠卻跟舊愛洪永城「被迫」碰頭合照,二人分手才短短兩個月,情傷未癒,平日工作所需的演技,都救不了面上的尷尬笑容,詩詠承認要時間去放低這段感情:「𠵱家仲係平復中!」



唐詩詠前晚「被迫」跟舊愛洪永城同場,硬着頭皮影了分手後首張合照,笑容牽強超尷尬。

現年36歲的唐詩詠雖被封為「絕世好女友」,可惜卻不斷經歷分手之痛,今年5月與洪永城的兩年半情玩完,有傳詩詠跟洗米華愛將盧啟邦秘戀,她哭訴否認緋聞,堅稱自己不是貪錢的女人,洪永城亦維護舊愛,指她單身。前晚兩人現身將軍澳的活動「被迫」碰頭,分手後硬着頭皮首度合照被傳媒圍影,兩人表現超尷尬,洪永城只揚起嘴角幾乎笑不出,詩詠就全程強顏歡笑。

兩人企到楚河漢界,洪永城死撐沒有尷尬:「只不過臨時臨急發生,畀唔到反應箒,我哋喺公司都有撞見過,我唔知自己企到咁開,要檢討吓。」問到準備好接受新戀情嗎?他說:「邊有咁快呀,如果再拍拖,會慢慢了解咗先,不過我𠵱家會專心工作,之後去旅行。」詩詠承認要時間去放低這段情:「𠵱家仲係平復中,如果再有一段戀情唔容易,慢慢啦,𠵱家都冇追求者,但係再拍拖嘅話,都會了解清楚先開始。」



詩詠分手後被傳暗撻洗米華愛將,她激動爆喊否認。資料圖片



有傳詩詠和洗米華愛將盧啟邦秘戀,兩人曾黐實合照。資料圖片

馬明輕吻心穎

情已逝的洪唐相見如陌路,相反同場卻有另一對熱戀中的情侶放閃,就是筍盤馬國明(馬明)跟他口中的「女朋友」黃心穎,最近兩人被爆連環蜜會,愛火高燒感情極速發展,日前馬明坦言不介意傳媒寫心穎是「女朋友」,關係畫公仔畫出腸。前晚他們齊齊接受訪問,心穎被問到會否介意以男友稱呼馬明?她甜絲絲說:「唔介意,你哋寫乜都得。」身旁的馬明卻玩曖昧,堅稱:「我哋了解中,一切隨遇而安。」

馬明和心穎不但在現實中擦出愛火,在劇集《宮心計2深宮計》更有一場咀戲,馬明笑說:「嗰場戲只係蜻蜓點水式,不過導演拍咗幾個角度,大家都好專業,冇刻意NG,我要請導演食飯。」心穎就爆馬明為拍出浴戲,特別找蕭正楠陪操肌,大讚馬明:「操到身段好靚。」

撰文:皓騫



黃心穎前晚跟「男朋友」馬國明(圖)同場,笑容份外甜蜜。



黃心穎


鍾意就快D Share啦!