掃呢頁CODE去手機

2017年7月21日 星期五

【獨家】啜啜啜!牛雜妹秘撻米芝蓮太子爺 __,牛雜妹,李美琪,

牛雜妹有拖拍!「牛雜妹」李美琪(Monnie)曾經參選2015年香港小姐競選,但由於該屆質素甚高,先有「10A狀元」兼劍橋法律系畢業嘅麥明詩、美國曼克 ...


牛雜妹有拖拍!

「牛雜妹」李美琪(Monnie)曾經參選2015年香港小姐競選,但由於該屆質素甚高,先有「10A狀元」兼劍橋法律系畢業嘅麥明詩、美國曼克頓音樂學院畢業嘅龐卓欣、以及高顏值嘅郭嘉文等等,令當時身形未如理想嘅Monnie無緣十六強。雖失落港姐競選機會,但一心加入娛圈嘅佢贏得網友掌聲。早前,Monnie仲加入新公司成為甄詠珊師妹,揚言決心減肥嘅佢,但至今嘅減肥進度仍未如理想!

三招搞掂男友

雖然Monnie事業仲喺起步階段,但愛情道路已經進入大直路!原來佢已暗撻米芝蓮糖水舖太子爺Jill!日前,二人被直擊喺街頭拍拖,Monnie拖實男朋友好似連體嬰咁行街搵嘢食,但Monnie仲減緊肥當,所以經過小食店時,Monnie都只係同男朋友一串墨魚兩份食,期間仲見Monnie使出冧招主動餵男友食,認真體貼!行行吓街情到濃時,二人仲化身「接吻魚」嘴對嘴錫錫,而等馬路期間Monnie再攬實男友兼情深款款望實對方!使出「拖、攬、啜」三招,成功冧暈男友,阿Jill亦相當受落,向Monnie甜笑「回禮」!

半個「太子妃」落場幫手

之後佢哋返到阿Jill位於佐敦嘅糖水舖,作為半個「太子妃」嘅Monnie似乎已經融入家中,同店內職員十分熟落,亦對舖面運作亦十分熟悉。平時喺麵檔幫慣手嘅Monnie,樓面經驗相當豐富,一落舖即「自動波」做侍應幫手招待客人、收拾碗碟,甚至抹枱工作統統做齊,難怪深得男友歡心!等冇咁忙嘅時候,Monnie孖住男友談吓情,爭取每個相處嘅甜蜜時光!喺店內逗留了數小時後,又一齊離開舖頭繼續拍拖。據知,二人係朋友介紹下認識,已經拍拖幾個月,因大家都係從事飲食業關係,所以一拍即合。


來源 source: http://hk.on.cc
鍾意就快D Share啦!