掃呢頁CODE去手機

2017年7月21日 星期五

【真係咁忙咩】陳自瑤玩親情晒與囡囡合照 王浩信零反應 __,王浩信,陳自瑤,

34歲嘅王浩信(Vincent)婚前被指花弗兼爛玩,除入行前同Angelababy拍過拖外,出道後又與胡杏兒、陳法拉、江若琳等傳過緋聞,婚前數月更被指 ...


34歲嘅王浩信(Vincent)婚前被指花弗兼爛玩,除入行前同Angelababy拍過拖外,出道後又與胡杏兒、陳法拉、江若琳等傳過緋聞,婚前數月更被指偷嗒陳冠希舊愛、o靚模謝芷蕙(Cammi),令YoYo一度傷心到嗌分手。幸姊弟戀最終仍能開花結果,王浩信與比佢大兩年嘅陳自瑤(YoYo)結婚近6年,誕下囡囡王靖喬,經常喺網上晒恩愛。不過,王浩信近年被大台力捧,憑《不懂撒嬌的女人》獲封「暖男」,近日播出嘅《踩過界》飾演盲俠好有發揮。上月忽然爆出王浩信同YoYo感情轉淡,有報道指男方近期劇接劇,與妻女聚少離多,即使唔使開工都甚少返屋企瞓,YoYo更向友人呻有婆熄關係麻麻。事後王浩信死撐﹕「沒事,只是近排真的太忙,少了時間回家而已。」(相關新聞﹕http://bit.ly/2rIcG4K睇番近期兩人嘅社交網,又確實好少互動,以前YoYo間中都會喺網上貼兩公婆合照,去年情人節更大晒自己收到老公送贈嘅大束鮮花。但近大半年,合照近乎絕跡,而王浩信亦好少like老婆嘅靚相;即使噚日老婆罕有貼出同5歲囡囡合照,上載5小時已經有逾4千個like,但Vincent都冇俾反應讚好,唔通真係忙到咁?或兩公婆感情出現暗湧?!

4千幾個like之中,都冇一個係老公嘅。(網絡圖片) 王浩信直認因為忙,所以少咗時間返屋企。
陳自瑤去年情人節,仲有喺社交網上晒自己有花收。(網絡圖片)

來源 source: http://s.nextmedia.com
鍾意就快D Share啦!