人小小，認咗佢
緋聞男女馬國明與黃心穎出席於無綫電視城舉行的《群星拱照big big channel》節目，心穎於演繹王菲名曲《約定》時，被安排站於屏風後，在場的馬明被要求估演出者時，卻戲言演出者是朱咪咪，但及後當屏風升起見到心穎繼續唱歌，馬國即硬晒守軚，場面惹笑。
一早知係心穎
事後二人齊齊受訪，問到心穎是否憑歌寄意？她撒嬌謂：「唔係，係你哋成日覺得，乜都關佢事。」那馬明又為何表現尷尬？他謂：「係好尷尬，其實一聽就知係心穎，因為同佢唱過K，但一講就中會好尷尬，所以先話係朱咪咪啫！（你硬晒軚喎！）因為覺得點解要問我呢？」
而心穎被問到可介意被人以男朋友稱呼馬明？她冧爆謂：「我唔介意，你哋寫咩都得！」馬明亦附和，坦言反駁的話也沒意思，在場傳媒着二人承認戀情，馬明笑指會了解，但心穎卻不知所措，還把手上的訪問咪套飛到地上，令她只能傻笑遮醜，馬明見狀即代出頭謂：「唔好搞到佢咁尷尬」
請導演食飯
對於二人在無綫新劇《宮心計2深宮計》有場咀戲，馬明透露該場戲份僅是蜻蜓點水式，問到二人可是導演喊停仍咀不停？心穎笑謂：「耳鳴咩？」馬明則揚言二人均很專業，亦沒有刻意NG，更謂：「只係導演拍多幾個角度，後來我都有請導演食飯。（唔夠皮？）又唔係，咁多人望住，拍戲啫！（平時都有錫？）又唔係。」
而心穎被問到可有看馬明於劇中的出浴戲？她笑指該場戲份與馬明分開拍攝，更謂：「我只係畀表情，咁我係有睇到佢除衫，大家都操到個身段好靚，我冇陪佢操㗎！係蕭正楠陪，佢兩個好似hehe咁。」
來源 source: http://hk.on.cc
|
鍾意就快D Share啦！
|
|
|
