歌手何雁詩（Stephanie）早前被東網踢爆割傷左手，需要入院縫針，雖然佢之前出席活動否認咗，但其左手前臂貼上膠布遮掩傷痕照就已經曝光。今日Stephanie同王浩信出席活動時，都係着長袖衫遮掩傷痕，個衫袖仲要長到遮住手背。
聞疤痕嗌「唔回應」
接受訪問時，問到佢喺社交平台上寫「何去何從」，佢表示唔係講緊感情，只係工作上有壓力，但係學識咗唔好將唔好嘅情緒放上社交平台。問到係咪包括唔想放露手臂嘅相？佢話：「會靜啲先（指網上言論），之前都講過好多次唔想交代太多。（但你有放相上Instagram？）都明白，我可以講我冇自殺。（讀者話你講大話？ ）唔回應。（咁嗰兩條係咩嚟？）冇認真去睇清楚，所以唔回應。（係疤痕？）唔答。」
講嘢會小心
當記者問到係咪要冬天先着短袖衫，佢笑言：「可以，未有plan，隨緣啦。」至於講到吳綺莉囡囡手上有疤痕都着短袖衫時，會唔會覺得佢勇敢啲？Stephanie話：「我係公眾人物，講嘢會小心啲，做乜都會小心啲。（會少啲po相？）係呀，唔想有私人事，好似博見報咁樣。」佢又話原本自己情緒都OK，但見到有新聞所以有啲壓力。
冇畀男仔拖手
提到日前同朋友打邊爐，畀男仔拖手，Stephanie話：「好匪夷所思，佢係我識咗好多年嘅中學同學，佢唔係拖住我，係捉住我手臂。我之前拍拖都好坦白講，唔想其他事影響到個男仔，平時拍拖出街都唔會拖手。（之前同男友鄭俊弘又咁高調拖手？）唔會再有下次。」亦澄清同男朋友感情沒有變，只係大家都想低調啲。
唔覺拖累鄭俊弘
講到鄭俊弘（Fred）近排好少見人，佢即撐男友有拍廣告同MV。問到自己最近係咪都少咗工作，佢話：「我差唔多，我不嬲唔係好多嘢做，之前身體唔舒服推咗部劇，靜啲都正常。（覺得拖累Fred？）冇得咁計，唔想有任何情緒影響工作。（佢情緒OK？）個個都有情緒，冇呀，見佢幾開心，成日彈結他。」
|
鍾意就快D Share啦！
|
|
|