熱爆娛樂: 【拒被指釣金龜】舊愛用網球拍打破車窗沈卓盈急斬纜返娘家 _

2017年7月23日星期日

【拒被指釣金龜】舊愛用網球拍打破車窗沈卓盈急斬纜返娘家 __,沈卓盈,

現年33歲嘅沈卓盈（沈大師），除咗演藝作品，比較為人熟悉嘅係佢啲戀聞，有別於其他女星啲「星級」戀聞，沈大師啲男友幾乎都係圈外人，先後同過飛機師Simon、金融闊少男友麥偉汶（Ray），其中有指沈大師同Ray拍拖冇幾耐，已經喺禮頓山豪宅展開同居生活，仲曾經有報道話沈卓盈享受「少奶奶」生活，叠埋心水等男友求婚，點知之後傳佢哋成日鬧交，更有指佢哋有次口角後，沈大師打算揸車離去，點知Ray攞網球拍打爛沈大師架車個車頭擋風玻璃，嚇得沈大師急急分手，仲搬返青衣公屋同屋企人住。真到今年初，有指沈大師不時換畫，仲有周刊影到佢喺金鐘行街shopping「脫貧」，暗示佢專釣金龜，咁就激到沈大師嬲嬲豬，佢喺社交網站貼文回應「如果如雜誌所講我是那麼貪慕虛榮，只求釣甚麼金龜的話，我想我一早已經成功了，還需要在捱嗎？所以請停止侮辱我的人格！和摧毀我的清譽！」（新聞連結： http://bit.ly/2tpbYXB ）到今年4月沈大師生日時，佢先承愛內衣褲出口生意人Calvin，仲有傳佢哋已經見埋家長，沈大師更公開話適當嘅時候會結婚。

	沈卓盈同機師男友Simon以往被多次目擊孖咇行街。（資料圖片）	同Ray拍拖時，沈卓盈獲邀出席男方家長飯局。（資料圖片）
沈卓盈至今仍單身，但早已放聲氣話恨嫁。（資料圖片）