掃呢頁CODE去手機

2017年7月9日 星期日

【獨家】Cammi狂嗲fans衝直播排名 為做Covergirl搏到幾盡 __,Cammi,謝芷蕙,

同過陳冠希傳緋聞嘅謝芷蕙(Cammi)做過o靚模,成個ig幾乎都係佢去遊行,或者係出埠工作嘅相,當中有絕大部份都係晒佢對長腿同攝影技巧。唔好妒忌Cam ...


同過陳冠希傳緋聞嘅謝芷蕙(Cammi)做過o靚模,成個ig幾乎都係佢去遊行,或者係出埠工作嘅相,當中有絕大部份都係晒佢對長腿同攝影技巧。唔好妒忌Cammi 成日有機會周圍飛,只係佢努力搵工作機會嘅一面,大家未必睇到。有讀者今日爆料,話Cammi為咗一本時裝雜誌covergirl,喺Line度落足咀頭,o氹啲fans支持佢……事源係咁,台灣Elle同直播apps「Up Live」喺今個月初舉行咗個活動,直播冠軍將會成為covergirl,就係咁,一心想進軍台灣嘅Cammi,就瞓晒身參加呢次比賽喇。睇番讀者同Cammi嘅對話截圖,Cammi完全唔介意表達心跡,好似「真的好想爭取到這個機會到台灣去」、「想在台灣辨(辦)粉絲的見面會」、「我想上封面呀」咁,事業心幾咁旺盛。大台都有教落,「撒嬌」對女人嚟講真係好重要,Cammi又點會唔明白呢?佢喺Line連續幾日發功,開live會先發送直播連結,又會同fans講「送你個小愛心」、「幫人家衝到前活動10名」、「不如你疼我呀~」,為咗多啲工作,真係俾足心機。不過呢招成效似乎唔高,因為Cammi入唔到前10,仲跌到落21位,要過台灣發展,睇嚟要再搵其他方法喇。Cammi今日接受《蘋果》訪問時就話:「我簽咗一間台灣經理人公司,大約半年,因為我時裝生意都上咗軌道,咪貪玩去試下,咁佢哋安排咗我去玩直播。我冇話想喺台灣發展或出道,始終呢啲演出只係我副業,玩吓當賺啲零用錢啦。」

Cammi成個Ig都係靚相,唔係去旅行就係晒下身材。(Ig圖片) (Ig圖片)
(Ig圖片) (Ig圖片) 有讀者提供咗啲Line對話截圖,見Cammi都好落力擹Like。(讀者提供圖片)
(讀者提供圖片) (讀者提供圖片)

來源 source: http://s.nextmedia.com
鍾意就快D Share啦!