何佩瑜同男友翁子光雨過天青。
與導演男友翁子光傳情變嘅女星何佩瑜（Jeana），於網上分享較早前嘅出海照，仲露半球大派福利，但一眾網民放錯晒焦點，紛紛推測Jeana出海散心療「情傷」，但大家都估錯晒其實Jeana係「開心大解放」就真，佢仲公開與男友「復合」嘅好消息添！
東網聯絡上Jeana，佢大方承認兩人早已「復合」，仲一講起男友就甜笑，就知道佢哋勁sweetJeana透露：「之前兩個人相處有少少問題，明白係需要啲時間去處理。（點樣和好？）以前我比較依賴男友，但佢忙於籌備8月開拍嘅新戲，兩個人相處時間少咗。經過兩個人溝通同磨合後，依家我嘅心態有轉變，佢忙我就有自己生活，好似搵朋友飯敍，咁啱我又忙緊拍劇，各有各忙仲好（到時會唔會探男友班？）等我忙埋手上工作先，唔排除嘅。」關係雨過天青就好啦，恭喜晒！唔知Jeana啲養眼「報喜照」會唔會陸續有嚟，繼續大派福利先？
來源 source: http://hk.on.cc
|
鍾意就快D Share啦！
|
|
|