「M加E，係一個新嘅ME！」嘩，冧到呢！
歌手孫耀威（Eric）在過百親友見證下先為老婆陳美詩（Macy）戴上結婚戒指，笑容滿面的Eric，慢慢在老婆無名指套上婚戒，接住即讀出誓詞，由於Eric表現得相當緊張，即獲全場拍掌鼓勵，Eric說：「阿Macy，多謝你一直陪伴、忍耐、支持同愛護，你係一個好好嘅妻子，亦都係一個好好嘅朋友，我雖然同你無所不談，當我生命遇到開心事時候，我哋就一齊笑，當我遇到挫折同唔開心嘅時候，你就唔會同我一齊喊，你會反過嚟借膊頭畀我喊，跟住鼓勵我、指引我、保護我，從來都冇任何怨言，今日喺大家見證下，我已經唔係一個人嘅我，正如頭先牧師講過，既然如此，夫妻不再是兩個人，乃是一體的了，好似今日我哋本場刊上婚禮嘅Logo，Macy加Eric，M加E，係一個新嘅ME，新嘅我，我以後就等如我加埋你，所以我哋以後唔可以再拆開，因為拆開就唔係原整嘅我。」
讚孫耀威完美
Macy再為「老公」戴上婚戒，接力邊睇手機邊讀出誓詞，她說：「Eric，我好感謝神，係我哋我嘅人生最合適、最好嘅時候遇到對方，並且喺神印證之下，我哋先至喺埋一齊，我好感恩有共同價值觀、共同人生目標，雖然我哋嘅性格唔同，但往往又可以互補，我並唔完美，但我感恩近乎完美嘅你，喺過去7年幾裏面，同我一齊經歷好多、好多事情，我好欣賞你對人無私嘅愛同對生命嘅熱誠，令我更加懂得點樣表達愛。」
兩人隨即點着蠟燭再吹熄蠟燭，再十指緊扣打算行落台，豈料遭神父出手捉住，並要求兩人平排站立，原來是「咀嘴」環節，Eric及Macy在全場歡呼下兩度激咀，禮成前一對新人分別高舉V字手勢，並落台與親友打招呼，最後又折返上台。
來源 source: http://hk.on.cc
|
鍾意就快D Share啦！
|
|
|
