麥明詩今晚就喺圓方出席夏日同樂慈善特別場電影欣賞會活動，即被追問番佢去翟威廉同劉佩玥(Moon)搞嘅「Happy Live」合唱團時、因彈錯琴而遭Moon藐爆單嘢麥明詩承認當日彈錯琴：「其實話我彈錯琴係事實，好耐冇彈過琴，生晒鏽，好耐冇唱歌，能夠透過Happy Live提升自己，我唔覺得佢藐我。我當時好專心睇緊琴譜，其實嗰時無面情唔代表藐人，我都試過中招，被人話我藐麥美恩，我感同身受。」咁啱今日Moon都有現身出席另一活動，佢受訪時稱：「其實冇乜朋友唔會互窒，如果講嘢都會就住對方，講嘢前要諗過度過，呢啲唔係真正朋友啦。」又稱：「火就冇，火花就有，同埋講咩唱咩，我哋係Live冇夾過，平時都會睇唔到譜、唱錯歌詞，不過我覺得觀眾鍾意睇到呢啲蝦碌嘢。」麥明詩自言同Moon係好朋友，同Moon口徑一致，出活動時會夾吓著咩衫，講到Moon喺節目收兵，佢就話唔覺：「真嘅嘢，唔會做得咁表面。」至於主持地位，麥明詩表示：「主持得一個，係翟威廉，佢屋企東道主，唔覺得佢有女仔起桿，有女仔仲好，如果得男仔好齋。」麥明詩就話有人地就有是非，如果下次有時間會繼續去：「我個人唔避忌，自己想做一樣嘢會正常去做，唔考慮人哋點睇，可能咁簡單思維，好容易被人看圖作故事。」最後，講到佢唔encore就走人，麥明詩就話當時已經係夜晚12點幾趕住走：「以我性格，如果佢真係咁講，我梗係留喺度，唔會敗走。」相關新聞：
【否認係咪霸】同麥明詩Friend到打Band？ 劉佩玥話度過先講就唔係朋友
http://bit.ly/2v2Z03h【港姐內訌？】劉佩玥咪霸上身 藐爆10A麥明詩
http://bit.ly/2vvY4rp
| 左圖攝影：陳順禎 | | |
| |
|
鍾意就快D Share啦！
|
|
|
