太陽娛樂老闆洗米華（周焯華）分身有術，往來澳門、倫敦、台灣三地毫無難度，今個月松岡李那要去英國出席時裝周，洗米嫂出動全家陪大女周梓潼去英國讀書，到時英國將會好齊人。（新聞連結： http://bit.ly/2fdLHJG ）洗米嫂未出發之前，噚晚先以嘉賓身份出席，到灣仔君悅酒店出席「環亞美神大賽（香港）2017」總決賽暨慈善晚宴，着住黑色露肩長裙，依然成熟．知性．性感。洗米嫂見到傳媒，大方停步，微笑揮手讓傳媒拍照。問到佢係咪同老公洗米華一齊去英國，佢甜笑咁話：「係呀！全家一齊去呀！」然後，匆匆入場。呢次「環亞美神大賽（香港）2017」總決賽暨慈善晚宴，前亞姐王錦睿係搞手，佢以低胸大露背晚裝現身。另外，陳蕊蕊突然靚咗好多，個鼻又高又直，佢話：「係咩？係咪因為我曬黑咗，可能因為化妝鼻影打得重手咗，同埋近排成日練水，比之前弗咗瘦咗啫。不過游水都曬黑咗好多，雖然着住長袖衫、長褲游水，但都曬黑。」
| （攝影：葉君海） | | |
| | | |
| | | |
來源 source: http://s.nextmedia.com
|
鍾意就快D Share啦！
|
|
|
