田蕊妮自爆畀網民問有冇男朋友，佢笑言唔識答，但係開心！
藝人田蕊妮（阿田）於尖沙咀出席劇集《超時空男臣》宣傳活動，向圍觀市民大派雪糕及合照。對於劇集收視不俗，上周收視高達26.8點，問到會否有信心有30點收視，她坦言希望收視繼續上升。她更自爆有人在社交網平台留言問：「『大小姐，你有冇男朋友？』我唔識覆，但我係開心，唔介意嘅。」
蕭正楠話生埋仔先返
對於監製有意開拍續集，阿田謂於活動前有問監製：「我同佢講如果拍古裝可唔可以冬天先拍，因為夏天37度大熱。」提到有傳蕭正楠與女友黃翠如到外地結婚而缺席宣傳活動，她說：「我問佢收視咁好冇理由唔嚟宣傳，原來係去咗結婚。咁結婚都係開心事嚟嘅。結婚可快可慢，簽個字就係。我問佢結到幾時先返，佢話生埋仔先返。我睇吓佢係咪帶埋個仔返先，呢個年代可以調轉次序。但我唔知佢去咗邊。」又謂可能到結局飯先會見到對方。
唔可以同杜汶澤分開太耐
此外，她透露有留意陳煒與老公離婚的報道，坦言感到可惜：「要維繫一段婚姻係一個好深嘅學問。但佢係一個好演員，有經歷演戲先有深度。佢係一個尊重工作嘅藝人，我都好尊重佢。」她又坦言與老公杜汶澤不能分開太耐，自己拍完《誇世代》都會放長假，慶幸二人都是於娛樂圈工作，大家都會明白對方。
來源 source: http://hk.on.cc
|
鍾意就快D Share啦！
|
|
|