最緊要人冇事！
堪輿學家李居明與藝人江美儀於郵輪上舉行《潮爆開運王》Talk Show，受颱風「帕卡」影響，令二人及過千名睇騷的觀眾滯留於海中心，直至晚上十時許，郵輪終在啟德郵輪碼頭泊岸，成功落船！
食晒三包暈浪丸
二人於晚上十時十五分現身啟德郵輪，李居明笑指今次是「風球奇遇記」，指Talk Show反應好好，參加人數2000人，他說：「返嚟嗰陣打風，啲港口閂晒，我哋係汪海中一條船。（間房聽到風聲？）係，啲風好大，但好彩都一瞓到大天光！」美儀則透露今次的航程未有安排上岸，而船就去了台灣及福建的公海！談到她頭暈又嘔，她說：「係，上船之前已經唔舒服，我耳水不平衡，所以帶咗三包暈浪丸，不過同啲工作人員一齊食晒，成廿幾人！」
至於在船上可有混亂？美儀笑謂：「啲fans好乖好好，船公司安排晒一日三餐，個個食到又肥又飽！」李居明亦指船上安排好好，沒有因打風而造成混亂。二人直言雖然原定今早七點回港，現延至晚上十時，無人可預測亦無人希望發生，最重要是大家安全！
來源 source: http://hk.on.cc
|
鍾意就快D Share啦！
|
|
|
