【新增動新聞】對於未來的工作，青年新政游蕙禎指，要視乎同議題，可出席立法會、城規會或巿建局的公聽會表達意見，「可能無效，但都要繼續去做，不只向政府表達意見，亦令更多人支持我哋本身行動」。梁頌恆則指，青年新政未來「要往體制外走」，會走街頭抗爭路線，但不是只有衝或打打殺殺，亦希望大家能支援良心犯和政治犯，令他們面對審訊或在獄中時，不要覺得是自己一個人行，「一直以來，以前舉牌釋放邊個邊個，好多時唔係香港人，現時突然有一個遊行，我哋舉百幾個牌，全部都係香港人，件事係去到呢個地步」。
對於對香港人的寄語，游蕙禎指，「可以對政府失望，但唔可以對自己的人失望」，指很多時希望不是靠人給予，而是要自己爭取，「當我哋面對咁困難情況下，係需要自己諗更多，我哋好慣性停在體制內嘅思維，如體制內嘅路已無，體制外嘅思考亦好重要，無咗呢條路，我哋仲可以點去行」。梁頌恆則指，現時感到猶如2014年12月尾雨傘革命被清場後的無力感，「我期望有下一個梁頌恆，係會諗到一啲新嘅路，可以推進香港成個民主運動，或者為自由、公義、制度去奮鬥。我哋今日係幾孤立無援，但從正面方向睇，係如果我哋不救自己，就無人能救我哋」。
至於目前生計方面，游蕙禎指，自己現時已獲聘做「Back office(後勤辦公室）」工作，「做緊一啲唔出名、唔出樣的工作」，形容現時維持生活是「相對地困難」，「既要兼顧工作，官司未完，仲有其他政治上的東西計劃緊，要兼顧兩邊」。梁頌恆則指，過去幾個月都有做「social media content(社交媒體內容)」的臨時工作，「之後未諗到」。
|
鍾意就快D Share啦！
|
|
|