成龍同袁詠儀破冰，袁詠儀喺微博貼合照並寫道：「外間一直傳言，我是讓成龍大哥生氣的女星，昨晚感謝在曾志偉先生的安排下，終於知道真相，謝謝，成龍大哥對我不計前嫌，原來很久前還為我製作了一些禮物，真的很感動！大哥！謝謝你！我會繼續做一個好演員！」咁，即係袁詠儀都唔知成龍嬲佢乜嘢……《蘋果》記者打俾袁詠儀了解，佢話：「我兩年前喺大陸做嘢，聽到傳媒講大哥嬲咗我，我唔知點解，一直擺喺心度，想搵機會向大哥問清楚究竟佢嬲乜嘢，但一直冇機會。直到曾志偉想搵Chilam(張智霖)開會，佢同阿姐汪明荃組織個協會，幫喺大陸做嘢嘅幕前幕後，我老公因為要開工去唔到，我就問志偉我可唔可以嚟，等我親口問大哥當年究竟發生乜嘢。」對於有傳當年拍《霹靂火》期間耍大牌所以激嬲成龍，袁詠儀話：「唔係，係之後電影後期做宣傳，我冇出現到，因為我都唔知，冇人通知我，但大哥就入咗我數。不過當年大哥冇話封殺我，如果佢封殺我，我之後都冇可能簽俾嘉禾啦。依家同大哥講清楚，大家都冇嘢啦。」
| 靚靚話當年電影後期宣傳時，冇人通知過佢。 | | |
| | | |
來源 source: http://s.nextmedia.com
|
鍾意就快D Share啦！
|
|
|
