個個都捉鬼，唔通個個都係想捉鬼咩？梗係唔係啦，法科師傅杜慶龍話你知，其實佢有一顆 hip hop魂。之前龍哥喺大台節目《Big Boys歷險記》一鳴驚人，七情上面唸口令，為未能投胎之亡靈作法超渡，仲一度被鬼上身，引起好多二次創作。不過有傳大台高層覺得膠味太濃，要腰斬節目（新聞連結： http://bit.ly/2xazvwS ），但結果峰迴路轉，原來大台將片段抽起，放喺手機程式度播，用得唔好嘥。點知原來個手機程式不勝負荷。講番男主角龍哥，今次幫張惠雅(Regen)驅鬼……唔使問，一開始梗係呢句「乾坤一開」龍哥呢次仲喺張惠雅背脊同頭頂起勢拍，然後話幫張惠雅趕咗3隻「妖魔鬼怪」出嚟，期間龍哥一直同啲「妖魔鬼怪」溝通：「因為/當時人/就委託我/我唔係/多管閒事」
「不過我係/受人所托/你記住」
「走你就走/唔．走/你哋3個/咪聯手對付我囉」犀利呀！連「妖魔鬼怪」都唔怕，然後龍哥話叫咗「妖魔鬼怪」喺張惠雅身體入面拎走咗兩個麻包同「絲巾一~~~條」，「乾坤一開」就連經期都可以通。「乾坤一開，開番晒佢，收番晒佢，調和番佢，調和番個經期。乾坤一開，三七一轉一鬆，三七氣流一轉，轉番鬆佢…八卦撞五行，五行撞八卦」，乾坤一開開咗成六七分鐘。龍哥仲話張惠雅機能各樣唔多唔少受影響，可以做番少少嘢調節番，佢解釋：「因為佢啲鬼怪有啲唔好氣流聚坐你。」張惠雅最後仲話龍哥「要跟一排呢個case」。喺隔籬旁觀嘅兩個男仔，鏡頭有影到佢哋偷笑，唔知張惠雅俾龍哥拍咗咁多下，要唔要睇跌打醫一醫呢？
|
鍾意就快D Share啦！
|
|
|
