熱爆娛樂: 樊少皇側側膊　大肚 JJ買護膚品要自己俾錢 [壹週刊

2017年8月24日星期四

樊少皇側側膊　大肚 JJ買護膚品要自己俾錢 [壹週刊 - 1433] __,樊少皇,賈曉晨,JJ,M1,

探熱針

樊少皇側側膊　大肚 JJ買護膚品要自己俾錢

樊少皇同細九年的賈曉晨（ JJ）前年終於拉埋天窗，婚前樊少皇被踢爆有老婆，仲收埋一對仔女，婚後 JJ又發現老公欠下 200萬巨債，不過絕對無損兩人感情。

今年六月，樊少皇 44歲生日， JJ宣布造人成功。呢日兩人孖公仔在又一城出現，老婆大住個肚，樊少皇全程小心扶實，不過陪老婆買護膚品時，樊少皇就好唔識做，繑埋對手要 JJ自己扲荷包俾錢。

孕味十足

日前《壹》仔見到 JJ同樊少皇兩公婆手拖手喺又一城行街街，他們一個就著到全身白，一個就全黑，黑白雙煞咁行街，佗住 BB的 JJ睇上去唔算肥咗好多，但都睇得出四肢開始出現水腫，行行吓不時扶吓條腰，孕味十足㗎！作為大肚婆，佢都著番鬆身長裙加對平底鞋，夠晒安全。

全程攬到實一實，護住老婆晒恩愛。

佗住個 B條腰當然攰， JJ都要用手扶吓。

齋食沙律

兩公婆呢樣睇吓嗰樣望吓，漫無目的咁行商場，全程兩個都勁 sweet十足糖黐豆咁款，唔係雙手拖到實一實就係樊少皇攬實 JJ膊頭，驚死人唔知佢哋恩愛。行行吓 JJ見攰，兩個人入咗餐廳坐低食飯，嗌了兩個湯、一塊扒，加多個沙律，但 JJ就淨係食沙律， BB會唔會唔夠營養㗎？兩公婆成餐飯有講有笑，感情真係相當唔錯。

兩公婆食飯全程有講有笑，感情相當唔錯，但 JJ淨係食沙律菜，夠營養咩？

自己俾錢買護膚品

食飽抖足精神，他們就去了一間護膚品店，這間護膚品店專賣有機認證嘅護膚品，唔少孕婦都用，話明有機少啲化學添加物對 BB都好啲。老婆專心揀護膚品，力王都無唔耐煩，企喺一邊陪老婆慢慢揀等老婆慢慢試，不過埋單俾錢竟然唔係力王俾，而係 JJ自己俾。咁又正常嘅， JJ連 200萬巨債都有份幫老公還，區區一千幾百小數目，自己俾完全無難度啦。