2017年9月4日星期一

心穎爆紅透底撼陳雅思事業線 __,心穎,陳雅思,黃心穎,

心穎爆紅透底撼陳雅思事業線

港姐賽前的紅地氈環節非常好睇，出席嘉賓絕對不比佳麗遜色。當中以一身紅色連身裙到場的藝人黃心穎最為搶眼，但其腰間透視設計卻令她不慎露出「缽仔糕」和紅色底褲邊。對此，心穎指紅色底褲是特登與紅裙襯色：「襯番色走光都唔覺嘛，會以為裙嘅設計嚟！」她更與陳凱琳一樣，笑指自己封胸封腿是行高貴成熟路線：「冇得鬥後生，行成熟風，係氣質性感！」

黃心穎透視上陣透紅底及「缽仔糕」，與大晒深長事業線的陳雅思鬥性感。

而馮盈盈、劉穎鏇、陳雅思和張寶兒四位剛卸任的港姐中，以Deep V裙大晒三吋事業線的陳雅思最為性感，她直言做足安全措施不怕走光：「呢條裙係Designer特別幫我設計，我事前都唔知個剪裁咁低！」馮盈盈就似乎因為條裙太鬆，不時要出手拉起托高條裙。而一眾型男中以苗僑偉最為出眾，擔任評判的他更笑指自己評分「好奔放」。