掃呢頁CODE去手機

2017年9月21日 星期四

【出師不利】Chika一招 KO 麥紫莉左膝受傷痛哭送院治療 __,麥紫莉,

正喺日本參與ViuTV製作《G-1格鬥會II》嘅麥紫莉(Chili),經過一輪MMA訓練後今日正式上擂台,跟對手余智嘉(Chika)進行正式比賽。比賽 ...


正喺日本參與ViuTV製作《G-1格鬥會II》嘅麥紫莉(Chili),經過一輪MMA訓練後今日正式上擂台,跟對手余智嘉(Chika)進行正式比賽。比賽過程完全係強弱懸殊,全程捱打嘅Chili更喺第二回合被對手Chika摔落地以Arm Bar鎖實,最後舉手示意投降。

但Chili未能起身,仲喊住口大叫:「我起唔到身,好痛,膝頭好痛!」,然後教練就攞出冰袋替Chili敷住左膝,其間佢一直喊表現痛楚,由於受傷兼已經示意投降,評判就宣佈賽事結束。而Chili嘅教練就繼續為佢敷冰,攝製隊然後將Chili移至後台繼續治理。

講番比賽,本身為健身教練,學過MMA同泰拳嘅Chika,喺首回合就已經主動進攻,將Chili摔落地再鎖實,不過Chili就奮力堅持到首回合結束。第二回合甫開始,Chika再度搶攻,不足廿秒已經將Chili打落地兼用Arm bar鎖實,本來Chili仍然想堅持落去,但無奈對手實力太強,令佢動彈不得,唯有拍地投降,但左腳膝蓋已經受傷。

而ViuTV方面其後亦對Chili受傷作出回應: 「麥紫莉(Chili)於今日拍攝《G-1格鬥會 II》比賽期間受傷,ViuTV 為安全起見,已立即送她到就近醫院接受檢查。有進一步消息,ViuTV會稍後公佈。」



攝影:曹家誠 Chili 全程捱打。

Chika摔落地以Arm Bar鎖實Chili Chili 投降後大叫:「我起唔到身,好痛,膝頭好痛!」 Chili表現痛楚。
教練替她敷冰。




鍾意就快D Share啦!