掃呢頁CODE去手機

2017年9月13日 星期三

爆笑慎入!Eason強力恥笑Eric Kwok國語 __,Eric Kwok,陳奕迅,Eason,

EricKwok被恥笑到面如死灰。內地歌唱節目《中國新歌聲》播出後反應熱烈,依家已經播緊第二季,並由香港歌神陳奕迅(Eason)、台灣天王周杰倫(周董 ...


Eric Kwok被恥笑到面如死灰。


內地歌唱節目《中國新歌聲》播出後反應熱烈,依家已經播緊第二季,並由香港歌神陳奕迅(Eason)、台灣天王周杰倫(周董)、內地歌手那英及劉歡擔任星級導師,陣容非常鼎盛。

爆笑普通話

喺最新一集,其中一位擔任評審嘅音樂人郭偉亮(Eric Kwok),以「唔鹹唔淡」嘅普通話評論參賽者嘅表現時,明明所有人都好認真咁聽緊Eric Kwok嘅專業意見,但係性格調皮嘅Eason就忍唔住恥笑對方嘅普通話,搞到主持人華少都要做番啲嘢,同Eason講:「陳奕迅老師你稍微克制一點。」被「警告」後嘅Eason仲係忍唔住笑,要用隻手掩住個口,嚴肅一秒過後就大笑。網民話淨係睇佢哋兩個已經夠好笑!

最佳損友

Eason同Eric Kwok向來老友鬼鬼,經常互相整蠱對方,Eason嘲笑:「他國語太棒了,太標準,所以沒辦法不笑!」事後Eric Kwok受訪時就向Eason反擊:「我覺得他如果要笑,可以笑得大聲一點,不要偷偷笑。」唔少網民都話場面笑爆嘴,仲話真係「最佳損友」,亦有內地網民話如果冇配字幕,真係唔明佢講咩:「字幕组會不會在想,郭老師你還不如講粤語或者英語啦……」、「最佳損友可太搞笑了,港普加英語混搭。」

網民有話兒

XX君:感覺Eric發完言特別急切的把話筒送出去了

巧XXXX旭:郭老師是挺不錯啦,國語不好也發表過幾次意見。陳二萌能不能克制一點,其實我也在……笑

Lexxxxxxxx017:他把「達布」說成了double !!

X吹:哈哈哈哈哈哈!!!!!!!陈奕迅無情的嘲笑

吹XXXX吖:正經一點好嗎? 哈哈哈哈


來源 source: http://hk.on.cc
鍾意就快D Share啦!