38歲羅志祥（小豬）入行多年歌影視三棲，儲落一班妹妹fans，但愛情對小豬嚟講相對較低調，佢對過往6段緋聞從未承認過，不過，喺兩年前，小豬就公開承認同細自己9年嘅大陸網絡紅人周揚青拍拖，亦係小豬出道24年嚟，首度認愛。
小豬日前接受《台灣蘋果》專訪時，就承認有意同女友結婚，佢解釋：「我很保護女生，不希望我小孩的老婆被冠上是誰的前女友。我的家庭就3個人，爸爸已經離開，我當然希望能有多一點人加入，讓這個家庭更美滿、更豐富，但都是緣分，還沒到那個階段。」
記者問小豬用咩字能夠形容女友，佢諗咗一陣，就用咗「佩服、衷心的佩服」，講到「佩服」，小豬不諱言佩服女友EQ高之前仲大方承認整容，更透露自己喺同周揚青認識時，其實女方仲未執樣，小豬話：「大家會以為我看她整完才跟她」，對於網民屢傳周青揚眼耳口鼻都大執過，小豬就話曾經想出面幫女友解釋，但女方話唔使，小豬最後話：「其實只有整眼睛、鼻子，其他都是瘦下來」。
可以「收服」小豬，周揚青自然有過人之處，小豬話：「我媽喜歡聲音大的人，不喜歡裝模作樣的，像是吃飯一粒粒吃、吃麵一條條吃」，連豬媽都對佢另眼相看，睇嚟周揚青已坐穩準豬嫂地位。而小豬理想中嘅婚禮，係唔走浮誇路線，「只有幾個朋友來，自己的家人朋友，她也喜歡低調，媽媽也是」，可見二人對婚禮已有共識。
來源 source: http://hk.apple.nextmedia.com
|
鍾意就快D Share啦！
|
|
|
