掃呢頁CODE去手機

2017年10月23日 星期一

首奪女配 心穎認爆冷:仲有進步空間 __,心穎,黃心穎,

小心啲好喎!藝人黃心穎現身無綫劇集《雜警奇兵》宣傳,期間與同劇演員黃智雯、黃賢智等玩桌上足球比賽,玩得相當投入的心穎,於俯身時更不慎走光露Bra,認真 ...


小心啲好喎!


藝人黃心穎現身無綫劇集《雜警奇兵》宣傳,期間與同劇演員黃智雯、黃賢智等玩桌上足球比賽,玩得相當投入的心穎,於俯身時更不慎走光露Bra,認真失策。

返到後即虛脫

而剛憑無綫劇集《與諜同謀》於《星和無綫電視大獎2017》獲得「我最愛TVB女配角」的她,表示到現在才開始相信事實,更指新加坡之行如一日遊、發了一場夢般,她謂:「事前冇諗過,同事話去得就會有獎,但我喺台下坐咗好耐都未上去,心諗係咪搞錯呢,之後頒嘅奬項愈後愈大,隔籬嘅高海寧都叫我唔使緊張,直到嗌我個名時,所有情緒湧晒出嚟,哭住講謝詞,返到後台直頭有虛脫感覺。」

對於「女配角」乃港姐後首個個人奬項,心穎坦言是個好開始,故於台上答謝曾鼓勵過她的人,問到可包括緋聞男友馬國明?她冧爆謂:「都有,佢有喺身邊鼓勵我,入行5年嘅畫面都湧出嚟!(會唔會一齊慶祝?)佢飛咗去上海開工,我又要趕返嚟開工,都只係瞓咗個好覺,同埋去咗按摩、刮痧,刮到條頸紅晒。」

對自己要求高

對於有網民覺得她爆冷獲獎,心穎也大表認同,坦言向來對自己要求高,非容易對自己滿足,更謂:「我唔會完全覺得自己唔值得,但好值得又唔係喎,呢個心態幾好,令自己仲有進步空間。」談到家姐黃心美公開戀情,心穎表示也是從同事口中獲悉,自己事前也不知情,不過也替對方開心,她謂:「我見過呢個男仔,但其他嘢等佢自己講(幾時到你公開戀情?)我想集中工作上多啲,唔想畀感情事蓋過咗!」


來源 source: http://hk.on.cc
鍾意就快D Share啦!