熱爆娛樂: 幾百人阻街圍觀　 59歲苗僑偉 CHOK爆銅記 [壹週刊

2017年10月5日星期四

幾百人阻街圍觀　 59歲苗僑偉 CHOK爆銅記 [壹週刊 - 1439] __,苗僑偉,M1,

被途人圍睹，三哥未有因此受影響，繼續專心拍戲。

探熱針

幾百人阻街圍觀　 59歲苗僑偉 CHOK爆銅記

明年「登六」的三哥苗僑偉，在《使徒行者 2》孭重飛，拍住在劇中騷大隻露埋股罅的「雙豪」袁偉豪和年紀細他一大截的周柏豪都毫不遜色，三哥自謙冇肌冇得騷，日前他在銅鑼灣拍外景，搞到時代廣場對面街聚集人群，唔夠半粒鐘有幾百人圍觀，三哥魅力嚇親人。

駐足觀看

出道三十五年，現年五十九歲的苗僑偉在新劇《飛虎極戰》再扮演型爆警官，日前他跟吳卓羲在銅鑼灣時代廣場對面街拍外景，內容講述正在查案的三哥在金鋪門口講電話，會合在附近飾演飛虎隊員的吳卓羲，三哥一埋位，即引來大班途人駐足觀看。

半粒鐘後，聚集的人愈來愈多，超過幾百人圍住三哥，大部分人拿着手機，又遠又近影住三哥一舉一動，雖然有工作人員築起人牆，不過人群依然未有散開，拍完一場戲，避免阻塞街道，三哥識做返回保母車休息。

半粒鐘左右，拍戲的大街已聚集幾百人，三哥魅力沒法擋。

當日吳卓羲跟三哥同場拍外景，三哥被途人圍睹時，他則在另一邊的自動電梯繼續拍攝。

在拍攝現場附近，早已經有保母車等候兩人，拍完一場戲，吳卓羲先行返回保母車休息。

在《使徒行者 2》中，三哥跟周柏豪、黃翠如對手戲最多。

拒人造加工

型足三十五年， chok爆三哥去年在內地劇《射雕英雄傳》飾演東邪黃藥師，被網民大讚有型而人氣急升，對於保養心得，最抗拒人造加工的他表示平日只做適量運動。

「我最鍾意打 golf，間唔中會跑步同踩單車，同埋一定會食天然保健品，但絕對唔會打 Botex，亦唔會敷 mask。」苗僑偉說。

得天獨厚，三哥卻並不像其他男藝人日操夜操，難怪曾志偉笑他這幾十年食咗防腐劑。