王浩信同陳自瑤(YoYo)喺2011年奉女成婚，雖然婚前曾發生疑似偷食Cammi事件（新聞連結：http://bit.ly/2x4vvCE），YoYo一度想分手，王浩信誓神劈願唔會再犯，二人最終拉埋天窗，點知婚姻維持6年多，近日又傳出亮起紅燈，有指王浩信被爆組「人夫獵食團」(新聞連結：http://bit.ly/2x4vvCE)，因工作太忙，成日唔返屋企，兩公婆聚少離多，王浩信更搬出愛巢。
日前王浩信出騷，就佢堅稱同太太YoYo冇分居(新聞連結：http://bit.ly/2x4H2ga)，只係冇時間陪老婆，係唯一對對方唔住嘅事。今日喺尖沙嘴出席音樂派對時，再次澄清同陳自瑤嘅關係一直都好正常，叫大家唔使擔心。
奇就奇在，每次傳出佢哋婚姻出現問題，陳自瑤都會幫口，為老公「平反」貼下家庭相，或者二人合照，力證情不變，之但係今次傳出分居一事，陳自瑤一直未有否認，只係貼下啲扮靚相，或者貼一啲正能量嘅post，並未提及老公王浩信。
今日老公再出嚟見記者，陳自瑤就喺微博貼獨自去咗坐船嘅相，終於開口，暗示一下自己嘅感受：「你若想得到這世界最好的東西，先得讓世界看到最好的你。生活從來不會虧欠誰，它給你一塊陰影，必會在不遠處撒下陽光。」字裡行間……講到自己生活冇虧欠誰，又話「它給你一塊陰影」，好似有啲暗示。未知係唔係講緊老公呢!?
來源 source: http://hk.apple.nextmedia.com
|
鍾意就快D Share啦！
|
|
|