陳貝兒早前承認離婚，但離婚後首個中秋節就唔寂寞，因為曾接受貝兒訪問嘅德國人妻同泰國人妻齊齊帶埋老公嚟香港過中秋，順道探望貝兒，貝兒當然要一盡地主之誼，喺中追月夜帶咗佢哋去打邊爐，一齊Re-U追月
早前陳貝兒隨攝製隊出埠拍攝節目《嫁到這世界邊端》，走訪唔同地方，訪問多名異鄉人妻，大講到愛情家庭觀，失婚嘅貝兒仲多次淚灑幕前。不過呢次外景，佢都重新認識自己，決定重新出發尋找幸福。
期間，貝兒到訪過德國同泰國訪問異鄉人妻，見證了兩段sweet爆異地緣，估唔到德國人妻卡菲同泰國人妻Judy趁中秋節返咗香港呢個娘家，佢哋仲帶埋老公同行，貝兒噚晚就同佢哋打邊爐，大搞追月宴Re-U一吓，鏡頭前後都嘈到爆。
德國人妻卡菲同泰國人妻Judy雖然從不認識，但首次見面都一見如故，兩對夫妻有講唔完話題，至於見到人哋雙雙對對嘅貝兒都唔會羡慕，貝兒今日接受傳媒訪問時話：「我享受happy single，我可以有自己更多空間同時間，不過今年中秋有佢哋飛返嚟同我一齊過，真係好驚喜。」
| 德國人妻同泰國人妻帶埋老公來港，陪陳貝兒追月。 | | |
| |
來源 source: http://hk.apple.nextmedia.com
|
鍾意就快D Share啦！
|
|
|
