現年30歲嘅藝人莊思明認真黑仔，佢喺社交網上載自己手瘀腳瘀相，留言話自己撞車，座駕仲搞到Total Loss添，雖然車毀但係好彩人冇事，真係不幸中之大幸呀！
思明留言話：「架車撞到total lost（loss）但我除咗撞瘀手腳之外竟然一d（啲）事都無！俗語有話『大難不死必有後福』，希望我嘅後福唔會太後先降臨 以後真係要小心揸車啦因爲唔係每次意外都咁好彩！」佢仲有心情Hashtag：「#之前一直想換車」相信佢冇咩大礙，唔少網友叫佢要休息吓，暫時唔好揸車住，仲叫楊明做住「柴可夫」，呵番女友，又有網友話楊明之前拍戲炒過電單車，兩口子真係同病相憐。
落彎煞掣不及
思明接受東網訪問時，坦言幾日前的凌晨時分，自己的座駕於金鐘落彎，可能當時落完雨，地下好跣，自己又開得太快，掟個彎落橋都知會撞，但都煞掣不及，最終撞落個彎度，她謂：「架車斷晒兩條軸，車咗去車房，車房都話冇得整，冇嗰啲零件，就算整番都好貴。不過警察嚟到時，佢哋好好，一路搵架車擺喺我架車後面，之後幫Call拖車，叫我企埋馬路邊，驚其他車睇唔到我有危險。」
楊明捽去瘀膏
思明坦言座駕已跟她五、六年，所以很不捨得，她謂：「之前我雖然成日話要換車，但依家真係好唔捨得。」現時她正開拍無綫劇集《是咁的，法官閣下》，導演都有問她要否休息，思明謂：「唔使，我真係冇乜事，除咗瘀咗，行得食得瞓得，我連醫院都冇去，自己搽啲去瘀膏算。」思明表示已揸車11年，試過畀尾隨車撞，但今次這些意外則第一次發生，所以好驚。思明又表示好在有買全保，但要等保險公司評估先。問到其男友楊明有否很擔心時，思明謂：「佢話好心痛，叫我小心啲，同埋幫我捽去瘀膏。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
