沈卓盈唔肯答，大家都明嘅…
藝人沈卓盈（Jess）到石塘咀出席活動，低胸微露線頭的她被問到如何慶祝中秋，她說：「會同屋企人過，男朋友都會參與，佢已經好融入我屋企，係開心嘅。有時屋企想搵我，我要開工，佢哋會直接搵佢，已經skip咗我。（已經同居？）唔好問呢啲，雖然屋企人都好鍾意佢。（即係同居？）私人問題唔答，都係放過我啦。」
未有結婚計劃
問到Jess男友是否已求婚？她說：「遲啲先，依家相處開心，了解磨合緊，拍咗年幾，算穩定。（想佢喺中秋節求婚？）唔好啦。（你曾經試過談婚論嫁最終告吹，會否有陰影？）都唔會，我對感情認真，雙方有共同思想先至計劃（男友係結婚對象？）佢的確係好男仔。（好姊妹催你快啲結婚？）想我有好歸宿。」
預告孖姊妹浸溫泉
Jess又指將與陳凱琳、龔嘉欣及譚凱琪拍旅遊節目，她說：「我哋『少婦聯盟』12月去北海道拍旅遊節目，平時香港好難約，好多謝公司幫手安排，好期待！可以預告去得北海道一定會有浸溫泉。（節目中會否真性情有嘢爆？）我都鍾意玩踢爆，我都知道佢哋一啲秘密嘅。（男朋友都去？）我去做嘢，佢去嚟做咩？」
來源 source: http://hk.on.cc
|
鍾意就快D Share啦！
|
|
|
