前DJ洪朝豐最近證實患上舌癌，晚上他在九龍灣出席首映禮。講到病情洪朝豐表示：「西醫嘅指示應該一個星期後做手術，依家食緊中醫開嘅草藥，脷嘅痛楚少咗，雖然食嘢、吞口水都會痛，但比食中藥前好好多。（押後手術？）我安排咗聽日去南京接受三個星期接中醫團隊治療，雖然西醫話會過咗做手術嘅黃金時期，咁返嚟再覆診。我覺得任何一個醫療決定都係賭博，可能會賭贏、亦可能會賭輸，自己會願賭服輸。」
唔捨得把聲
以前是DJ靠靚聲搵食的洪朝豐被問到是否不希望做手術？他說：「聲音係我嘅最大寶藏，或者把聲音將來可以幫到人，未到最後階段都想保留把聲，做手術肯定會對把聲有影響。依家講緊初步估計條脷最少要切三至五成，但仲要睇脷底有冇癌細胞要切除，咁就要破開下巴攞出癌細胞，再用螺絲釘嵌番埋佢，所以殺傷性咁大嘅手術未到最後都唔想用呢個方案。相對中醫就保守啲，唔在於即刻殺死癌細胞，只要唔擴散就可以並存，咁唔會影響我嘅生活質素，唔會影響講嘢、食嘢。（左邊淋巴都有問題？）掃瞄照到有粒粒，唔確定係擴散迹象，如果做手術就會切除埋。」
死都冇遺憾
有指要為醫藥費撲水，洪朝豐則否認說：「醫藥費OK嘅，自己有積蓄同工作，朋友都話有需要都會幫助。假設真係因為中醫治療錯過咗西醫治療嘅黃金時間，去到擴散一發不可收拾嘅，首先我唔會怕死，每個人都會死，自己嚟到呢個世界贏咗好多愛，喺世間上都冇遺憾，如果死都會帶住笑去死，我會輸得起，因為自己唔驚死，又輸得起，所以係一個開心嘅癌症病人。（交低後事？）最緊要係間屋啫，間屋都會留畀個仔。」洪朝豐又透露明天起程到南京治療三星期，費用大概是兩萬多人民幣，能力上可以負擔。
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
