2017年10月15日 星期日

拍拖未夠一年刪走甜蜜相 猷君CoCo玩完「見到終點就分手」 __,猷君,

拍拖未夠一年 刪走甜蜜相猷君CoCo玩完 「見到終點就分手」娛樂要聞賭王何鴻燊子女戀事多,繼四房長子何猷亨早前與舊愛陳瀅,在國慶日結伴睇煙花疑似復合後 ...




拍拖未夠一年 刪走甜蜜相

猷君CoCo玩完 「見到終點就分手」

娛樂要聞








賭王何鴻燊子女戀事多,繼四房長子何猷亨早前與舊愛陳瀅,在國慶日結伴睇煙花疑似復合後,四房孻仔何猷君與少女標本成員袁紫僑(CoCo)拍拖未夠一年,但原來個多月前已經分手,猷君更於Instagram將昔日與CoCo拍拖甜蜜照片刪走。猷君前日向本報直認雙方和平分手,並謂:「見到終點咪分開。」



猷君與CoCo分別承認分手,女方表示再見亦是朋友。資料圖片

何家公子一向被視為鑽石筍盤,儘管近日賭王與四太梁安琪長子何猷亨被發現跟舊愛陳瀅在國慶日結伴睇煙花,二人因而被傳復合,但前晚陳瀅出席時裝活動就笑笑口否認翻撻猷亨。這邊廂猷亨疑似再度封盤,那邊廂他現年22歲的MIT數學天才胞弟猷君,卻回復單身再度成為城中筍盤。原來猷君與拍拖近一年的少女標本成員女友CoCo已經分手,並將Instagram內與CoCo的甜蜜溫馨照一一刪走。





何猷君的工作室微博昨日上載猷君玩手機照片,他心情看似已平復。



猷君與CoCo拍拖以來不時孖住出巡,十分甜蜜。資料圖片

拒絕透露原因

猷君去年10月尾被本報讀者拍到與CoCo扮成小丑和小丑女到海洋公園玩哈佬喂,二人手拖手令戀情曝光。小兩口其後公開承認戀情,一直以來兩人不時被傳媒拍得甜蜜溫馨拍拖,又經常在Ig放閃晒恩愛。不過,近日二人Ig不但不再見到二人甜蜜照,本報更發現猷君已在Ig上unfollow女友CoCo,甚至刪走二人甜蜜合照,情況就如之前他與大馬有米千金華倫西亞班主女兒Kimmy Lim分手一樣。至於CoCo的Ig雖然仍有follow猷君,但二人甜蜜照亦已不見影蹤。

記者前日致電猷君了解為何Ig會unfollow CoCo及刪走二人照片,猷君大方直認已分手說:「其實都唔使隱瞞,你哋都捉到,兩個人係分開咗嘅,我哋係分咗手。」再問佢分手多久及分手原因,他表示:「我哋都分開咗個幾、兩個月,具體時間我覺得唔需要透露,總之就分開咗,分手原因有好多,但都比較私人,要尊重女方,唔提太多,希望大家明白。」

猷君強調跟CoCo和平分手,揚言分手後仍可做朋友,說到刪走二人照片,猷君解釋說:「既然分開咗,唔應該眷戀之前回憶,所以將啲相delete咗,冇話邊個提出分手,兩個人喺埋一齊,若然見到終點咪分開。」問到目前感情狀況,猷君說:「分咗手咪回復單身狀態。」



已回復單身的何猷君日前探望賭王父親何鴻燊。



賭王四房子女何猷亨(後左)與猷君(後右)戀情近日備受關注。

女方:仍是朋友

猷君工室微博昨午上載了猷君玩手機的兩張側面照,留言謂:「完美側顏殺!你們猜酋長在看甚麼那麼開心?」至於CoCo昨日回應分手一事說:「我沒事,報道出的好巧,到今天(昨天)剛好分手一個月。謝謝大家關心,我們還是朋友。」

採訪:唐如、陳杰




鍾意就快D Share啦!
Related Posts Plugin for WordPress, Blogger...