2017年10月21日 星期六

On仔晒爆肌!C AllStar休團騷喊唔停 __,C AllStar,

On仔呢身肌肉冇得輸。組合CAllStar舉行首場紅館演唱會,King化身DJ大玩電子音樂,觀眾紛紛站起來,氣氛高漲!四子穿螢光西裝跳唱共11分鐘的M ...


On仔呢身肌肉冇得輸。


組合C AllStar舉行首場紅館演唱會,King化身DJ大玩電子音樂,觀眾紛紛站起來,氣氛高漲!四子穿螢光西裝跳唱共11分鐘的Medley,On仔中途脫去外套,胸肌、腹肌加麒麟臂完全展現喺觀眾眼前,更與女Dancers大跳貼身舞,期間On仔High到邊跳邊自摸「小On仔」,四子更扮錫,令全場尖叫聲震天!On仔大叫:「Jump!冇機會㗎多謝紅館!」釗峰指On仔是傻佬,花了很多時間操肌:「喺台下佢都仲舉緊,就係想你哋開心。」Jase和On仔就讚King不眠不休地編排這部份的音樂,實現了帶電子音樂上紅館的夢想。四子搭着膊頭唱出《此刻無價》,On仔與釗峰忍不住流淚,釗峰更一度唱不下去,要擰轉身抹眼淚,場面感人。

旺角行人專用區唱到紅館

Encore時段,四子換上便服唱出他們首次一起創作的《從當天到今天》,由On仔彈結他伴奏,又笑說:「我輸咗!喊先要罰錢。」Jase即說第二場尚有機會。King感謝歌迷多年來的支持,讓他們可以走到今天。On仔坦言粉絲付錢讓他們做喜歡的事,感到很幸福。釗峰形容3位隊員是他的Comfort Zone,更說到想喊:「好多兄弟情、體諒同包容,但都有軟弱嘅時候,7年嚟經歷過無數掙扎同妥協,每次我哋拆掂咗,上到舞台遇到樂迷同讚賞我哋嘅人,成就我哋由旺角行人專用區唱到紅館!」

細數兄弟情

Jase笑言負責展望將來,指很多人問他們拆夥是否不和:「我confirm話畀大家聽,我哋係感情最好嘅時候先決定咁做,唔係因為對夠佢哋,而係希望將來有更多唔同種類嘅音樂帶畀大家。」他更答應粉絲,當玩夠自己喜歡的音樂,四人一定會回來。On仔向觀眾席的經理人阿簡及老闆等人致謝時,阿簡不禁流淚。On仔又讚隊友唱歌很好聽,笑言:「乜咁矮,但唱歌咁好聽嘅?」Jase忍不住說:「你又高人幾多呀?」On仔笑指四人都不過170厘米,又指有人很Cool,但後來發現幾好傾,而另一人就很有節奏感:「金毛嘅?咁高音嘅?」King澄清自己當時染了銀髮,但甩色變了金毛。Jase笑說:「銀色都唔係太好。」On仔坦言他們曾鬧交,不過很難得遇到這三位兄弟。最後他們唱出《我們的胡士托》及《總有離開的時候》,演唱會於11時30分結束。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...