2017年10月21日 星期六

【搵食艱難】搬離千呎豪宅住細屋 林欣彤:無意同祖藍「和平分手」 __,祖藍,林欣彤,王祖藍,

王祖藍公司成立只不過兩年,已經有旗下藝人離巢,工作室問題仍未解決,旗下林欣彤嘅演唱會都被迫取消。祖藍前兩日就話:「其實佢哋同我簽約都係因為我呢邊夠自由 ...


王祖藍公司成立只不過兩年,已經有旗下藝人離巢,工作室問題仍未解決,旗下林欣彤嘅演唱會都被迫取消。祖藍前兩日就話:「其實佢哋同我簽約都係因為我呢邊夠自由,當初已經話過如果佢哋覺得可以有更好嘅發展,隨時都可以同我講。」又認自己搞唔掂:「我自己係有不足嘅地方。」(新聞連結:http://bit.ly/2l5LlHo )據知王祖藍向藝人講過,如果選擇離開可以「和平分手」,Mag回應傳媒話冇意「和平分手」暫時仲養到自己。

林欣彤(Mag)由英皇娛樂轉投王祖藍公司,工作量同收工都大減,原本 Mag租住4萬幾蚊嘅千幾呎大圍瑞峰花園,最近亦大屋搬細屋,搬咗去月租1萬蚊左右嘅大埔中心。雖然呢排頻頻見佢出席活動,但多數都係為《老表,畢業喇!》宣布,實則係零收入。

Mag入行6年都未開過賣飛演唱會,同期嘅「巨星幫」反而愈撈愈掂, Mag以為轉投王祖藍公司後可多線發展,點知衰過以前,雖則可以「和平分手」,但Mag冇工開更加冇收入,

Mag亦承認祖藍喺音樂上幫唔到手,而家都係靠自己做音樂,至於音樂會亦冇可能喺今年內實現。

今日林欣彤回應傳媒:「其實我經濟ok嘅,暫時都冇乜問題,養到自己,養到家人。最近都出咗兩個廣告,間中亦有接騷唱,所以大家唔使擔心,我亦無意同祖藍和平分手,謝謝大家關心。」而大屋搬細屋,佢就解釋:「今次搬係同經濟冇關,我成日都搬嚟搬去o架啦,哈哈!」

林欣彤話暫時唔會同王祖藍「和平分手」。 林欣彤曾經為溫拿演唱會做嘉賓,但係自己就未開過演唱會。(資料圖片) 王祖藍兩年前成立公司簽咗唔少藝人,有徐子珊、林欣彤、細細粒等。(資料圖片)
細細粒經常開直播嚟增加知名度同工作機會。(資料圖片) Mag今年參與過《我和春天有個秘密》演出,相信就係佢所講兩個騷嘅其中一個。(資料圖片) (資料圖片)

鍾意就快D Share啦!