2017年11月8日 星期三

【選過15年港姐】飯局50萬人仔加到200萬 牛雜妹:人生和尊嚴也不止這個價 __,牛雜妹,港姐,李美琪,

「牛雜妹」李美琪雖然輸畀麥明詩做唔到港姐,但有樣有身材,當然會有市場啦,最近佢就俾大陸人睇中,公然喺ig問牛雜妹飯局過夜全包價,由50萬人仔加到200 ...




「牛雜妹」李美琪雖然輸畀麥明詩做唔到港姐,但有樣有身材,當然會有市場啦,最近佢就俾大陸人睇中,公然喺ig問牛雜妹飯局過夜全包價,由50萬人仔加到200萬利誘,但係牛雜妹就好狠咁拒絕:「我的人生和尊嚴也不止這個價。」

牛雜妹將對話cap圖貼ig story,大陸人以殘體字留言:「Hello李小姐,是廣州飯局job,過夜全包50萬。」牛雜妹抵死回覆:「甚麼是全包啊?這麼有意義又吸引的工作,吃個飯就可以有50萬。」大陸人再加碼利誘:「老闆說100萬,你看怎麼樣。」牛雜妹狠回:「100萬我不缺,我的人生和尊嚴也不止這個價。」、「飯局呢,朋友叫我去,冇100萬我都會去,想全包呢,就去㩒鐘仔啦,謝絕飯局。」

嬲到震嘅牛雜妹接受《蘋果》電話訪問表示:「開始收到訊息都幾愕然,因為呢啲事件聽就聽過,但發生喺自己身上真係第一次,佢一開始同我講話50萬全包飯局,我就覺得好奇怪,呢啲人係咪玩呀?定係滋擾訊息?我諗住同佢玩吓,話呢份工好吸引喎,咁正,我不如叫記者朋友了解吓,幫你將呢件事發揚出去,之後持續咗一段時間,佢都唔死心,仲話100萬,最後加到200萬。」

牛雜妹拒絕出賣身體:「我好認真同佢講,我嘅尊嚴同自身價值唔止呢個價,叫佢唔好再搵我,好明確同佢講,我唔會接受,但佢都依然唔死心,呢幾日都keep住搵我,最諷刺係佢講得出係乜嘢集團同乜嘢人,我覺得件事幾奇怪,同公司商量過,如果再落去,我哋會採取法律行動。」

更多娛聞,喺晒《娛果》

http://fb.com/appledailyent

牛雜妹被問價,飯局價更由50萬人仔加到200萬。 牛雜妹(資料圖片) (ig截圖)
(ig截圖) (ig截圖)

鍾意就快D Share啦!
Related Posts Plugin for WordPress, Blogger...