吳若希都話好似有啲嘢喎。
歌手吳若希（Jinny）、胡鴻鈞（Hubert）等到尖沙咀出席《星光熠熠耀保良》記者會，二人將會同台演出，但Hubert笑言拒絕與Jinny合唱，她聞言即笑說：「合唱再唔合唱又話你有同性密友喇！」Hubert則說：「咁我同性異性都有好多密友！」
講到Hubert與許廷鏗再傳「HEHE」情，Jinny透露：「其寶佢哋係約打麻雀，都有約埋我㗎，不過臨時個女半夜起身要餵奶，我做完嘢就直奔屋企。」Hubert笑言被Jinny「放飛機」，又解釋說：「其實仲有兩位圈外朋友，嗰度都係朋友嘅，我哋成日上去打機打牌，都唔好意思，搞到佢哋地方。」講到與許廷鏗是否有機會再發展？他笑言：「可以由朋友發展做更好嘅朋友，互相了解，大家都識好耐，我哋三個同Mag（林欣彤）雖然已經唔同公司都Keep住聯絡。（係咪你杯茶？）好朋友嘅一杯茶，係可以互相分享心事同畀力量嘅好戰友。」問到會否避約許延鏗？他說：「唔使，呢啲傳言都幾無謂，其實係呢個圈交到真心朋友好難。」
Jinny又自爆曾懷疑二人的關係：「係我角度睇，佢兩個係Friend到有一刻我都懷疑有超乎友誼嘅關係！」Hubert聞言即搞笑說：「重色輕友！重「囡」色呀！」
來源 source: http://hk.on.cc
|
鍾意就快D Share啦！
|
|
|
