2017年11月8日 星期三

戰車接送 夜會歎雞煲 黃又南秘撻索爆富貴千金 __,又南,黃又南,

又南為穿熱褲的Sarah開定車門,讓女方先上車,自己則繼續跟友人吹水。
戰車接送夜會歎雞煲黃又南秘撻索爆富貴千金歌手出身的黃又南近年轉向商界發展,生意愈做愈有起色,有事業之餘,就連愛情運都催旺埋,暗撻珠寶商千金兼珠寶設計師 ...


戰車接送 夜會歎雞煲 黃又南秘撻索爆富貴千金

歌手出身的黃又南近年轉向商界發展,生意愈做愈有起色,有事業之餘,就連愛情運都催旺埋,暗撻珠寶商千金兼珠寶設計師莊莎娜(Sarah)。最近忙於籌備演唱會的又南,大前晚出動其寶馬「戰車」,做柴可夫接載熱褲上陣的Sarah,由銅鑼灣過海往太子食雞煲撐枱腳,又南更有風度地為女方開車門,二人歎足兩個半小時才埋單走人。

現年34歲的黃又南,最近與拍檔徐天佑合體籌備明年在紅館舉行的《SHINE * MOMENTS Live2018》演唱會,轉戰商界發展的他,除了忙演唱會工作外,又打理其眼鏡生意,以及與緋聞女友杜如風合作時裝品牌,生意愈做愈順,最近還設計手錶,可謂百足咁多爪!

非常啱Key

又南除了事業有起色,原來「女人緣」一樣爆旺,先後跟「旅遊達人」杜如風、圈外空姐女友傳緋聞,今年初又被拍得與內地女星朱聖禕Shopping,雖然又南自稱現時單身沒有女朋友,但最近發現他秘密撻着珠寶店老闆莊哲猛的千金、新進珠寶設計師Sarah Zhuang,據知,兩人是經朋友介紹認識,加上又南開始涉足設計行業,與Sarah格外投契。

  • 放大圖片
食飽飽,又南埋單後急急腳行番去Sarah身邊。
  • 食飽飽,又南埋單後急急腳行番去Sarah身邊。
  • 放大圖片
又南暗撻Sarah,睇佢合照時笑得幾冧!
  • 又南暗撻Sarah,睇佢合照時笑得幾冧!

細心有風度

日前晚上8時半,記者在銅鑼灣發現又南與Sarah往取車,又南有風度地為女方開車門,之後驅車過海前往太子一間雞煲店撐枱腳。穿熱褲的Sarah,落車後隨又南到雞煲店,原來細心的又南早已訂位,兩人去到即獲安排入座,免得太子女在門外苦等。

兩人撐枱腳撐足兩個半小時,醫飽肚的又南先行去櫃枱埋單找數,期間碰見相熟的男性朋友,於是寒暄幾句,而Sarah則站在旁邊等候,未知又南是否怕悶親對方,即醒目地急急上前再次為Sarah開車門,讓女方先行上車等,而又南就繼續跟友人吹水,兩人傾多一會,又南便匆匆上車,再做柴可夫送Sarah離開。

文、攝:追蹤組






鍾意就快D Share啦!
Related Posts Plugin for WordPress, Blogger...