掃呢頁CODE去手機

2017年11月7日 星期二

【狗仔出更】住美國一年冇啖好食?90磅石天欣驚現刀削面 __,石天欣,

石天欣去年7月下嫁任職市場營銷嘅男友Jacob,婚後要喺美國一年坐「移民監」。上月底,天欣終於返嚟香港喇,除咗要去警署銷案,當然亦要見吓屋企人同朋友, ...




石天欣去年7月下嫁任職市場營銷嘅男友Jacob,婚後要喺美國一年坐「移民監」。上月底,天欣終於返嚟香港喇,除咗要去警署銷案,當然亦要見吓屋企人同朋友,佢仲話好掛住香港嘅美食添。(相關新聞﹕http://bit.ly/2lkkTdf)

上周四下午約12點,天欣同媽咪去咗青衣涌美老屋村,附近有檔地道車仔麵好出名。天欣梳咗齊蔭頭,加埋長到近腰嘅頭髮,望落瘦咗好多,結婚時嘅幸福包包面不見了,成塊面尖晒。

不過,天欣就好好胃口,同媽咪一人一碗車仔麵,同媽咪互夾對方啲餸,感情似乎好好。之後佢哋就行咗去附近嘅街市,唔知天欣係咪都知道自己太瘦,就買咗支奶邊行邊飲,期間見天欣媽咪周圍同啲商店老闆打招呼,估計應該係老街坊,之佢哋買完光酥餅,又買咗幾條毛巾質地地氈,逗留約兩個小時就坐的士離開。

《蘋果》日前致電天欣,原來佢噚日就起程離開香港返美國,佢話:「眨吓眼就冇咗10日,新年會再返嚟香港。今次最開心係見到媽咪同朋友,因為屋企最近裝修,所以要幫屋企執屋。」問到點解瘦咗咁多?天欣話:「我90幾磅,好多朋友都話我瘦咗,其實係肌肉,修咗啲線條,firm咗啫。」

更多娛聞,喺晒《娛果》

http://fb.com/appledailyent

天欣去美國一年,明顯瘦咗好多,塊面尖晒。(攝影﹕畢紹基、徐錦池) 天欣同媽咪一齊食車仔麵。

天欣媽咪同商店老闆雞啄唔斷,應該係老街坊。 天欣向來慳家,亦唔介意去街邊檔買嘢。 天欣結婚嘅時候,明顯肥好多。 (資料圖片)

鍾意就快D Share啦!