天后容祖兒穿上Deep V裙性感出席英皇珠寶「L’Atelier Cindy Yeung」高級珠寶系列首飾展，並佩戴價值逾五百萬的藍寶石首飾相亮，更顯高貴！
祖兒坦言平時很少穿低胸裙：「為咗可以呈現首飾嘅美態，件衫要簡單但又唔可以太密實，否則會遮咗件首飾，經過多番考慮終於揀咗呢條裙，我依家唔敢郁又唔敢太大聲講嘢，怕條裙移位。（真空上陣？）唔使，依家啲打底好先進，而且我做足安全措施。」
渴望設計鬱金香形首飾
問會否買首飾送給容媽媽？她指母親甚少佩戴如此隆重的首飾，簡單的單粒鑽石首飾或手錶較適合她。當談及祖兒出嫁時媽咪可以戴上較為名貴的首飾，祖兒即說：「咁娶新抱或者大壽都可以。暫時未諗到咁多。（買嚟獎勵自己？）會！個設計咁靚。我諗Cindy（英皇鐘錶珠寶主席兼行政總裁楊諾思）應該好鍾意花，希望佢設計鬱金香形嘅首飾，因為我好鍾意鬱金香。（想唔想自己設計？）佢邀請我，我肯呀，我未設計過首飾，之前設計過手袋，個感覺好開心。（你設計鬱金香首飾出嫁時戴？）太美麗，但鬱金香唔係結婚嘅花，平時戴都得。結婚話題你都係搵番我公司旗下藝人答，佢哋快過我。（邊個最快？）哈哈……筲箕兒又出場！不過冇人叫我唔好講，佢哋暗啞底都鍾意聽我講。（咁邊個最大機會結婚？阿嬌定阿Sa？）泳兒，係我自己諗，純粹個人睇法。（唔睇好自己？）唔好講我。」
讚霍汶希有無窮精力
另外，提到祖兒的經理人霍汶希（Mani）以七千萬購入山頂豪宅，祖兒表示不知情：「見到佢會恭喜佢，依家啲樓咁難買，佢好努力，有無窮無盡嘅精力工作，佢真係好辛苦，畀啲獎勵家人同自己。（你幾時買樓獎勵自己？）好多喇，而且又未有一個心儀嘅目標，處理好工作先，盡快供晒佢。（有幾多層樓要供？）唔知，係媽咪搞，我負責賺錢，不過我都叫媽咪唔好買住，搞掂晒手頭上嘅先。（Mani話有老闆楊受成借錢畀佢湊夠首期？）楊生實幫，我哋都一齊搵楊生幫手，發起叫楊生幫手大行動，幫英皇員工，希望楊生畀條熱線我哋，當係員工福利，一係珠寶、一係物業，畀楊生揀，公平啲！」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
