講過開心係嚟自女人，立志要一世風流嘅趙世曾，大半世歎過嘅女，真係千手觀音都唔夠手指俾佢數呀！
近呢十年，佢嘅口味清一色國產，平時都唔太在意啲女嘅樣，不過今次唔同，事關呢位新女個樣，竟然同趙生倒模一樣，將「父女」或「爺孫」戀昇華至最高境界，除咗年齡距離吻合，仲有種血脈相連嘅親密感。唔知趙生望住女友，會唔會覺得好似照鏡咁！又或者食女好似食自己呢？
Anyway，對住餅印新歡，趙世曾好緊張拖到實架！不過唔知係咪有代溝，無論睇戲定行街，餅印新歡同趙生都無兩句，而且成日掛住玩電話，有時仲黑口黑面。
另一日再次見到佢兩個拍拖睇戲，餅印新歡表現更加差，除咗黑面，仲經常一枝箭自己行先，拖都唔拖一下趙生，好唔專業、好唔敬業樂業囉。以佢嘅表現，擺明搏彈鐘。
來源 source: http://nextplus.nextmedia.com
|
鍾意就快D Share啦！
|
|
|
