「慳妹」呢個角色真係太經典！
歌手周慧敏（Vivian）將於2018年1月26至29日在紅館舉行《一萬天荒愛未老．周慧敏30週年演唱會》，很久沒做演唱會的她坦言想與大家重溫經典：「我可能同唔只一代人成長，有啲朋友依家先識我，有啲就可能喺我做DJ嘅時候已經識。」
慳妹一角永不磨滅
無綫劇《大時代》中的慳妹是觀眾心目中印象極深的角色，Vivian表示沒想過把慳妹搬上紅館，但認為可以與團隊提出：「呢個角色一路都喺我心裏面有一個好重要嘅位置，我演過好多角色，惟獨佢永遠磨滅唔到。雖然好熟悉，但又好陌生。」她透露看了該劇兩次，第一次是當年收工後回家看錄影帶：「跟住已經唔敢再睇，直至兩年前重播變成全城熱話。既然係大家都講嘅話題，我都應該同大家一齊經歷呢件事。其實我有DVD，但我冇睇，同大家喺電視播嘅時候逐集睇晒。」
回憶似舊日記
雖然看重播前只記得重要場口及部分零碎片段，Vivian認為慳妹對自己影響很深，能夠在觀眾角度再看這個故事，感覺就像尋回舊日記：「有番心跳嘅感覺，晚晚都有！（如果有類似慳妹嘅角色，你接拍嗎？）我仲演唔演到慳妹呢？佢同我嘅年紀好唔同。唔知呢！要睇吓自己應唔應付到，又要睇劇本點寫，可能由細個演到大個會幾得意，起碼有一段時間同我年紀差唔多，都可以諗吓。」她強調新角色一定不再是慳妹，不希望破壞經典，比較想演繹新的角色，可惜並不容易：「我陸陸續續都接到一啲劇本，唔只電視、電影，仲有舞台劇，但都係想等到一個自己會心動，同感動到我嘅，咁我就有動力去做。」
近年Vivian通常參與代言及品牌活動，或與不同機構進行慈善探訪：「常規工作可能好簡單，係我比較熟悉，去拍戲現場或者大型表演我就少啲，所以一定要好有動力、好有感覺，覺得好好玩，我就會嘗試。」
場地：紅磡都會海逸酒店
來源 source: http://hk.on.cc
|
鍾意就快D Share啦！
|
|
|
