1970年代著名電視演員陳振華日前於九龍聖德肋撒醫院因病離世，終年78歲。據悉，晚年的他視力及聽力衰退，就連熱忱的掌相命理亦被迫放棄，而前年車淑梅於社交網站上載與陳振華合照，當時陳振華雖滿頭白髮，但精神狀態尚算不錯，車淑梅向傳媒透露：「佢聽覺唔係十足，對眼嘅視力又唔係幾好，所以好少出嚟，佢話呢排都尋訪緊名醫。」想不到身體情況每況愈下，最終他仍不敵病魔！
生於1940年的陳振華被譽為無綫第一代首席小生，曾參演《清宮殘夢》、《啼笑因緣》及《民間傳奇》等，惟八十年代初他離開視圈，專心研究當掌相命理，其兩位兒子陳廷軒及陳樂文則從事配音工作，陳振華晚年亦有開班教授配音技巧。由於陳振華及其家人作風低調，家人已根據其遺願，將遺體移送往香港大學充當無言老師。
李司棋當年曾與陳振華合拍《啼笑因緣》，她接受電話訪問大感愕然：「我一直都冇佢嘅聯絡電話，不過十幾年前好似喺街見到佢，當時有人扶佢，可能嗰排有啲唔舒服啫，如果消息係真我覺得好可惜。（對佢有咩印象？）佢係謙謙君子，待人有禮，性格忍讓，間中同佢開玩笑，佢冇乜所謂。」記者亦曾聯絡車淑梅，但暫未獲回覆。
來源 source: http://hk.on.cc
|
鍾意就快D Share啦！
|
|
|
