和而不同，互相尊重。
美國女星兼導演茱迪科士打（Jodie Foster）早前批評成為潮流的超級英雄片，指看戲有如去主題公園，電影公司為迎合大眾製造垃圾。漫威超級英雄片《銀河守護隊》（Guardians of the Galaxy）系列導演James Gunn於社交網站Twitter連寫六段回應茱迪的言論如下：
「1. 我諗科士打對戲嘅睇法比較老派，認為大片唔可以有思想性。呢個好多時候係真，但唔一定。佢嘅諗法好常見，亦唔係完全冇根據。」
「2. 我話唔係完全冇根據，因為大部份大片系列都係冇靈魂，呢個亦係電影未來嘅危機。但總有例外。」
「3. 要畀電影生存到，我諗大片係需要有傳統上冇嘅視野同精神。我哋有啲人盡能力帶電影去呢個方向。製作有創意、反映心性同有思考嘅大片，係令我工作感到興奮嘅地方。」
「4. 但公道咁講，至少科士打被引述嘅部份係，佢好似認為拍電影係只係關於佢自己個人嘅成長。」
「5. 對我嚟講，呢個可能係我想做呢樣嘅其中一部份，但要使幾百萬去拍片，應該係關於更多──係關於溝通。所以我個人經驗只係成件事嘅一部份。」
「6. 但我尊重科士打、佢才華同佢為電影所做嘅一切，而我欣賞佢睇荷里活嘅唔同睇法。」
來源 source: http://hk.on.cc
|
鍾意就快D Share啦！
|
|
|
