石詠莉爆婚後只見到Patrick一日～
歌手石詠莉（Sukie）到金鐘為婚紗時裝表演擔任嘉賓模特兒，新婚的Sukie就直言要投訴老公鄧健泓（Patrick）：「佢未得閒同我度蜜月，工作太忙，一直喺內地拍戲，不過都係嘅，搵多啲錢養屋企。（賺定奶粉錢？）未住，你咁心急做乜？」她直言現在賺錢比較重要，但新婚後只見過老公一日：「好掛住佢，掛到瘦咗，所以行騷唔使減肥，以前兩日前就要節食，好唔健康。」問到有否向老公反映？她表示有告訴老公自己經常夢見對方，但自己忙於在香港工作，未能到內地探班：「忙出碟，希望今年造多啲原創歌。（造人大計？）順其自然！聽天由命！親朋戚友都好心急，但唔係想有就有。」她希望多點時間二人世界，成為父母後就要以子女為先，花很多時間在教育方面。
提到本來打算2月度蜜月，Sukie坦言不知到時是否有時間：「希望佢可以抽幾日。（佢幾時拍完？）話一月十幾號，但好難講。我茶飯不思，好想有啲時間一齊輕鬆吓。」她透露Patrick患了重感冒，令她非常擔心和心痛，早前他回港一天就是為了看醫生。至於這天的婚紗並不性感，她笑言自己結婚時同樣不性感：「Patrick唔畀，老公大人要審視過啲衫，好大男人。（酬勞高都唔得？）你同佢講吖！其實要睇場合。（其他人行婚紗騷好性感？）我縮咗水。（上圍？）掛佢掛到全個人縮水。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|