網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年1月6日 星期六

陸永妻突然肚痛暈低 網友籲做Body Check __,陸永,

為咗屋企人都係做個BodyCheck好啲喎!藝人陸永同太太Reina不時喺社交網上放閃,加埋大女陸一穎(Hannah)同細女陸一心(Simsim)一家 ...


為咗屋企人都係做個Body Check好啲喎!


藝人陸永同太太Reina不時喺社交網上放閃,加埋大女陸一穎(Hannah)同細女陸一心(Simsim)一家四口幸福滿瀉!不過呢日Reina就喺社交網度晒咗張合照,話自己同好友去食糖水,點知就喺諗住揸車返屋企時肚痛,佢仲痛到標冷汗同暈咗,說:「興高采烈入元朗食糖水,每人仲外賣一大袋糖水返屋企。準備開車之際,車上唯一一個識揸車嘅人個肚好痛,肚(痛)到個人有啲不知所措。唔係想去廁所,但係都行去睇下(吓)個公園有冇廁所,痛到成頭冷汗,突然冇力眼前一黑跌低落地下,之後㩒(撳)住個肚漂(標)眼水。」

之後,佢又指因為朋友唔熟路就算報警都唔知地址,好彩遇到唔少好心人幫手,說:「同行位朋友唔熟路,報警都唔識講地址,好彩有兩個熱心人幫手,仲有位小姐畀紙巾我抹汗。另外喺車等我哋個(嗰)位朋友,唔識著(着)車閂返(番)全車車窗又唔識鎖車,多得隔離(籬)車司機好好心幫我搞掂架車。上咗救護車後,我又唔痛喇,做完簡單檢查後,我要求落車,我唔想去醫院等幾個鐘都未見到醫生呀!但係仲係冇乜力,三個好好人嘅救護員話如果唔痛,可以休息多陣,唔去醫院都得嘅~~最後我上咗救護車,冇去到醫院!諗住搵代駕幫我揸車返屋企,但係冇預約又要入元朗,要等成個幾鐘先到喎... 所以,我自己揸車走咗!返到屋企畀人強迫我去私院睇醫生,我都自己返到屋企啦~~仲入咩醫院,早啲瞓好過」最終Reina都只係上咗救護車休息咗陣,冇去到醫院,就自己揸車返屋企。一班網友睇見都嗌好擔心,仲嗌Reina為咗屋企人去做個Body Check好啲呀。

陸永都有晒番嗰兜「用命換來的翼尖」,佢留言:「從前有一個人去買翼尖,買左(咗)之後,肚痛到暈低,叫左(咗)白車去醫院,但呢個人為咗將翼尖帶返(番)去俾(番)佢老公食,佢決定唔痛喇,自己揸返車返屋企,將翼尖送到佢老公面前,佢老公話辛苦哂(晒),好味道!」陸永真係要好好錫老婆喇!

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!