熱爆娛樂: 入圍爭影后即攞獎品周秀娜買 250萬潮車 [壹週刊 - 1458

2018年2月15日星期四

入圍爭影后即攞獎品周秀娜買 250萬潮車 [壹週刊 - 1458 - 優質生活] __,周秀娜,M1,

探熱計

入圍爭影后即攞獎品周秀娜買 250萬潮車

周秀娜入行十年，早前憑電影《 29+1》獲提名金獎像最佳女主角，獲知有份入圍時，她在車上忍不住爆喊，事關拍攝時因太投入以致出現抑鬱，幸好付出有回報。娜姐即時豪買 250萬平治四驅潮車獎勵自己！

心情依然激動

周秀娜日前在影樓拍新造型照，經理人 Roy特地買了蛋糕慶祝她入圍女主角，娜姐提及數日前獲知喜訊，心情依然激動。

「我收到通知時，唔識反應，淨係喺架車入面流眼淚，個司機見到都唔知發生咩事。跟住不斷有朋友 send message恭喜我，我係好感動，因為得到大家嘅認同，再諗番之前拍戲，大家同我一樣咁辛苦，戲入面嘅角色要經歷屋企人離開，同男朋友分手，情緒一直都好 down。」她說。

經理人 Roy探班，為娜姐打氣，她即時生猛晒。

影新造型照當日，她食晏時大魚大肉，好擦得。

開工期間，經理人 Roy到現場探班，更買了蛋糕跟她慶祝，她坦言雖然有成績，但又是另一個新開始要繼續努力。

圈中人喜愛平治四驅車，林海峰同余文樂都有一部。

捱過抑鬱有回報

在片場拍該片，工作人員見娜姐大部分時間情緒低落，特地讓出一個位置給她獨處，她認為當時患有輕微抑鬱，事過境遷，她覺得難得遇上這個角色與劇本，就算空手而回，她都當自己贏咗。

「一七年，我算係大豐收，拍咗好多部戲，其中一部同張晉合作嘅《葉問外傳：張天志》又拍咗電視劇《深宮計》，朋友都叫我買禮物獎勵自己，我一直想買部車，佢哋提議買法拉利，不過法拉利要有番咁上下技術，我諗會買 Benz嗰架四驅車。」她說。

娜姐即將購入的平治四驅車，余文樂、林海峰等圈中潮人都有一架，以娜姐去年拍了七部戲加一部電視劇，未計廣告商演等收入，絕對買得起。