掃呢頁CODE去手機

2018年2月15日 星期四

情人節放閃拍拖兩個月 52歲韋家雄閃娶銀行之花:個仔戥我開心 [壹週刊 - 1458 - 優質生活] __,M1,

訪問當日,二人剛好相識兩個月,熱戀期度過首個情人節,梗係要嚟個熱吻啦!探熱計情人節放閃拍拖兩個月52歲韋家雄閃娶銀行之花:個仔戥我開心年過半百的韋家雄 ...


訪問當日,二人剛好相識兩個月,熱戀期度過首個情人節,梗係要嚟個熱吻探熱計情人節放閃拍拖兩個月52歲韋家雄閃娶銀行之花:個仔戥我開心年過半百的韋家雄 ...






訪問當日,二人剛好相識兩個月,熱戀期度過首個情人節,梗係要嚟個熱吻

探熱計

情人節放閃拍拖兩個月 52歲韋家雄閃娶銀行之花:個仔戥我開心

年過半百的韋家雄,經歷過失婚失戀,數年前跟圈中人陳嘉嘉分手後,更自認是愛情失敗者,灰到爆。直至今年元旦破例高調公告「破 dry」有第三春,至今拍拖兩個月,已認定比他年輕近廿年的銀行之花 Keynes,連韋家雄個仔,都戥老豆搵到幸福開心,故他計劃今年內閃婚,將銀行之花全面私有化。

以一敵三追到手

韋家雄在與 Keynes邂逅的酒吧公開放閃,趁準「家雄嫂」未到,當日目擊韋家雄「破 dry」的兄弟戴耀明,大爆當晚他在芸芸對手中,一家截三家胡!

戴耀明說:「恭喜你終於夾到個幸福下半生返嚟。佢嗰晚好多對手,有同事幫 Keynes影咗張相,跟住就話 send番俾佢,乘機抄佢牌。人哋抄牌,家雄哥偷聽到,自己記低就去截胡,哈哈!」

俾兄弟踢爆追女一幕,韋家雄四萬咁口話:「當晚 Keynes俾人抄牌時講得比較大聲,我聽到啫,哈哈!」

女友 Keynes到場,韋家雄已經深情望住她,難怪戴耀明速撇避閃光蛋。「我第一眼見佢,覺得呢個女仔幾舒服,我就唔係幾舒服!」一個爛 gag,已經令 Keynes笑一餐。





雖然 Keynes細韋家雄近廿年,但二人並沒有代溝,而且非常合拍,簡直是一見鍾情。第一眼覺得佢好吸引!(真實對白)





韋家雄講乜,女友 Keynes都笑一餐,但就一句聲都唔出,連韋家雄都忍唔住笑女友:「其實佢係啞㗎。」兩口子,就係咁 sweet。





戴耀明踢爆韋家雄女友 Keynes是銀行之花,當日他是揮低幾個對手,先贏得美人歸,成班兄弟都感到驚訝。

單獨約會口震震

雖然當晚成場對手,但韋家雄自感贏面高。「我靚仔過佢哋,所以有信心,哈哈!唔係,緣分嚟嘅,我冇拍拖幾年,咁啱嗰段時間我未有工作,抽到時間同朋友飲吓酒,咁就識到佢。」

對 Keynes一見鍾情,韋家雄想盡快私有化,翌日就膽粗粗約她在黃金海岸單獨見面。不過呢幕撐枱腳,搞笑多過浪漫。

「約佢冇十足把握,但始終都要踏出第一步,點知嗰晚間酒店自助餐 full晒要坐室外,成餐飯我係口震震咁食,唔係因為心跳,係好凍,因為我唔知當晚氣溫跌到十度,我著住短袖衫赴會。本來食完飯想直落飲杯嘢傾偈,但佢見我咁凍,問使唔使借佢件褸俾我著,下場飲嘢都要改期。不過嗰晚之後,我哋係有 feel準備開始,之後每日都見。」他說。





韋家雄有份演出,緊接大堆頭《溏心風暴》的大台劇《平安谷》反而跑出,贏口碑贏收視。





15年他憑《梟雄》贏得男配角,入行廿年,總算有個交代。





今年元旦,韋家雄遇到對的人,即破例公開放閃,分享開心事。

兄弟爆料

女友到場前,兄弟過來搞亂檔。與韋家雄女友認識十年的戴耀明,爆韋家雄遇上心儀 Keynes,第二日就表明心跡,對住成班人宣布封盤。「佢玩到咁大,其他男人邊夠佢嚟!雖然佢唔係劉華,但佢溝女堅過劉華㗎!每次都係用誠意打動啲女。」韋家雄問佢係咪好葡萄,十年追唔到,佢幾日就搞掂。





另一兄弟李啟華是他倆的媒人。

拍拖一週傾婚事

今年二人首次共度情人節,給女友最有誠意的禮物,莫過於一份承諾。「我哋喺十二月九日相識,一相識就有種熟悉感,好啱傾。拍拖一星期就有結婚嘅諗法,大家亦有傾呢個話題,因為我哋係認真。幾年前同一個女仔分手後,我冇刻意諗再婚嘅事,但遇到啱嘅人就好想。我哋希望今年內,婚禮想以西式派對進行。」





他說 Keynes令他最大改變,就是願意俾足夠安全感對方,故一拍拖唔再跟朋友四圍蒲,而且愛報到,有時間就接女友放工。





Keynes甚少睇電視,只記得韋家雄是《真情》中的「大力」。





跟陳嘉嘉分手後,韋家雄一度灰爆,多年來不敢再踏足情場,如今陳嘉嘉已下嫁生意人,而他亦找到 the one。

過埋阿仔一關





韋家雄是孝順仔,幸好 Keynes已過了未來奶奶那關,甚得雄媽歡心。

唔只一班兄弟,就連韋家雄的母親,及跟前妻所生,現時廿多歲的兒子,也為他找到幸福的另一半開心。「我個仔同佢成日都見,阿媽都認定佢係新抱。」

追到銀行之花的韋家雄,驚喜求婚點少得。「我會嚟一次轟轟烈烈嘅求婚,我一定俾驚喜佢,而最驚喜嘅,就係冇驚喜,哈哈!」兩個傾唔夠三句就攬埋係咁笑,夾到呢個點,睇嚟佢哋都走唔甩對方!

女友 Keynes:第一眼覺得佢好 charm

對於邂逅當晚,眾多蜜蜂,最後點解揀韋家雄, Keynes說:「對佢印象只係停留喺《真情》嘅『大力』,嗰晚第一次見佢,覺得佢好 charm(有吸引力),個人又真誠。俾佢打動係第一次單獨約會,佢著唔夠衫好凍,但佢仍堅持直落下場再飲杯嘢,最後我唔忍心見佢咁凍先拒絕。

「相處落我好欣賞佢嘅孝順,又好錫個仔。佢仲主動陪我去探嫲嫲,同埋拍拖唔夠一個月,已經俾好多安全感我,我覺得佢係 Mr.Right。」

撰文:娛樂組 

攝影:蕭敬漁 

場地: BEACH CLUB CAFE大樹吧 

鳴謝:杜貞貞


鍾意就快D Share啦!